રોયલ વેડિંગ / 'અમારું કાયમી બુકિંગ થઈ ગયું', બોલિવુડ લવબર્ડ કિયારા-સિદ્ધાર્થના લગ્નની પહેલી તસવીર આવી સામે

• કિયારા-સિદ્ધાર્થના જૈસલમેરના સુર્યગઢ પેલેસમાં થયા લગ્ન
• લગ્નની પહેલી તસવીર આવી સામે
• બન્ને બોલ્યાં- અમારુ કાયમી બુકિંગ થઈ ગયું 

બોલિવુડની ચર્ચિત જોડી  સિદ્ધાર્થ મલ્હોત્રા અને કિયારા અડવાણીએ જૈસલમેરના સૂર્યગઢ પેલેસમાં સાત ફેરા ફરીને લગ્નના બંધને બંધાઈ ગયા છે.  લગ્ન બાદ આ નવવિવાહિત કપલનો પહેલા ફોટા જોવા માટે સૌ કોઈ બેતાબ થયા ગયા હતા. આ પ્રતીક્ષા પણ હવે પૂરી થઈ ગઈ છે. સિદ્ધાર્થ અને કિયારાએ પોતાના લગ્નના ફોટા સોશિયલ મીડિયા પર શેર કરીને જબરદસ્ત હંગામો મચાવ્યો છે. તસવીરોમાં વર-વધૂ ખૂબ જ સુંદર તેમજ ખુશ દેખાઈ રહ્યા છે. 

 

 

 

 

View this post on Instagram

 

 

 

 

 

 

 

 

 

 

 

A post shared by KIARA (@kiaraaliaadvani)

પહેલી તસવીરો સામે આવી
સિદ્ધાર્થ મલ્હોત્રા અને કિયારા અડવાણીના લગ્નની પહેલી તસવીરો સામે આવી છે. બંને સુંદર દેખાવમાં જોઈ શકાય છે. સોશિયલ મીડિયા પર ફોટો શેર કરતાં તેમણે લખ્યું કે અમારુ હવે કાયમી બુકિંગ થઈ ગયું છે. 

શાહિદ કપૂર અને મીરા રાજપૂત મુંબઇ એરપોર્ટ પર પહોંચ્યા
સિદ્ધાર્થ મલ્હોત્રા અને કિયારા અડવાણીના લગ્નમાંથી મહેમાનોના ઘરે પાછા જવાની પ્રક્રિયા શરૂ થઈ ગઈ છે. શાહિદ કપૂર અને મીરા રાજપૂત મુંબઇ એરપોર્ટ પર જોવા મળ્યા હતા. બંને હાથમાં હાથ નાખીને ચાલતા જોવા મળ્યા હતા.કિયારા અડવાણી અને સિદ્ધાર્થ મલ્હોત્રા બોલિવૂડના સૌથી લોકપ્રિય કપલોનું એક છે. 7 ફેબ્રુઆરી સિદ્ધાર્થ અને કિયારાના જીવનનો સૌથી સુંદર દિવસ બની ગયો છે. બંનેએ જેસલમેરના સૂર્યગઢ પેલેસમાં સાત ફેરા ફરીને લગ્નની વિધિઓ પૂરી કરી હતી. આ પ્રસંગે તેમના બન્નેનો પરિવાર હાજર રહ્યો હતો અને કપલને આશીર્વાદ આપ્યાં હતા. લગ્ન સાથે જ કિયારા અને સિદ્ધાર્થ પતિ-પત્ની બની ગયા હતા. 

સિદ્ધાર્થે અનોખી રીતે પાડી એન્ટ્રી 
જેસલમેરના સૂર્યગઢ પેલેસમાં વરરાજા સિદ્ધાર્થે 'બાર બાર દેખો'નું પ્રખ્યાત ગીત 'કાલા ચશ્મા' પર એન્ટ્રી મારી હતી. 

ઘણા બોલિવુડ સ્ટાર રહ્યાં હાજર 
સિદ્ધાર્થ અને કિયારાના લગ્નમાં હાજરી આપવા માટે ઘણા સેલેબ્સ લગ્ન સ્થળે પહોંચ્યા હતા. ઘણા બોલિવૂડ સ્ટાર્સ જેસલમેર જતા જોવા મળ્યા હતા. રિસેપ્શન હજી બાકી છે. આવી સ્થિતિમાં, એવું માનવામાં આવે છે કે સોનાક્ષી સિંહા, ફિલ્મ નિર્માતા આરતી શેટ્ટી, પૂજા શેટ્ટી, ફિલ્મ દિગ્દર્શક શકુન બત્રા સહિત ઘણા વધુ વિશેષ મહેમાનો પ્રેમી પંખીડાઓને શુભેચ્છાઓ આપવા માટે જેસલમેર પહોંચી શકે છે.

લગ્નની વિધિઓ
પ્રેમી પંખીડા સિદ્ધાર્થ અને કિયારાના લગ્નની વિધિઓ સોમવારે સવારે જોરશોરથી શરૂ થઈ હતી. રાજસ્થાની લોકગીતોના અવાજો સૂર્યગઢ પેલેસમાંથી સાંભળવા મળ્યાં હતા. 

મહેમાનોને અપાયો દેશી નાસ્તો 
સિદ્ધાર્થ અને કિયારાના લગ્નમાં પહોંચેલા મહેમાનોને ખાસ દેશી નાસ્તો આપવામાં આવ્યો હતો. જુહી ચાવલાએ સિદ્ધાર્થ અને કિયારાનો સૂર્યગઢ પેલેસથી સિદ્ધાર્થ અને કિયારાના નાસ્તાની મજા માણતો ફોટો શેર કર્યો છે. સિદ્ધાર્થ અને કિયારાના લગ્નમાં જૂહી ચલવાએ દેશી નાસ્તાની ખૂબ મજા માણી હતી.

ઠાઠથી નીકળી સિદ્ધાર્થની જાન 
બેન્ડવાજા સાથે સિદ્ધાર્થ મલ્હોત્રાના લગ્નનો વરઘોડો શાહી અંદાજમાં નીકળ્યો હતો. તેમના લગ્નની તૈયારીઓ પણ જબરદસ્ત હતી. હોટલમાં બપોરે 2 વાગ્યે સમારોહ શરૂ થયો હતો. વરરાજા સિદ્ધાર્થને સાફો બાંધવામાં આવ્યો હતો. વરઘોડામાં વિન્ટેજ ગાડીઓ, ઊંટો અને ઘોડાઓના કાફલાઓ શરૂ થયા. સૂર્યગઢની બાવડી પર લગ્નના મંડપને સજાવવામાં આવ્યો હતો. લગ્ન પંજાબી રીતિ રિવાજ મુજબ થયા હતા. બંનેના લગ્ન માટે બધા જ ખૂબ જ ઉત્સાહિત હતા.

શાહી લગ્નમાં રાજસ્થાની વાનગીઓનું જમણવાર 
સિદ્ધાર્થ મલ્હોત્રા અને કિયારા અડવાણીએ શાહી લગ્નમાં રાજસ્થાની વાનગીઓ પીરસી હતી. દાલ બાટી ચુરમા સાથે મહેમાનોને પંજાબી, થાઇ, ચાઇનીઝ અને કોરિયન ભોજન પીરસવામાં આવ્યું હતું. લગ્નની સાથે જ સિદ્ધાર્થ અને કિયારાએ એક ગ્રાન્ડ રિસેપ્શન પાર્ટી પણ રાખી છે.

બોલિવુડમાં કોણ રહ્યું હાજર 
આ લગ્નમાં બંનેના પરિવાર ઉપરાંત બોલીવૂડના માંધાતાઓએ હાજરી આપી હતી. આ લગ્નમાં કરણ જોહર, મનીષ મલ્હોત્રા, શાહિદ કપૂર, મીરા રાજપૂત, જૂહી ચાવલા ખાસ મહેમાન બન્યા હતા.