છેલ્લા કેટલાક દિવસોથી સિદ્ધાર્થ મલ્હોત્રા અને કિયારા અડવાણી વચ્ચેના સંબંધો અંગે અટકળો ચાલી રહી છે. હવે નવા વર્ષની શરૂઆતમાં એવું લાગે છે કે, તેમના રિલેશન પર મહોર લાગી રહી છે. શુક્રવારે સવારે બંને એક સાથે મુંબઈ એરપોર્ટ પર જોવા મળ્યા હતા. કિયારા એરપોર્ટ પર પાપારાજીને જોઈને એકદમ નર્વસ દેખાઈ હતી.
કિયારાનો ઈશારો જોઈને સિદ્ધાર્થને આ મામલો સમજવામાં સમય લાગ્યો નહીં. બંનેએ તેમના સોશિયલ મીડિયા એકાઉન્ટ્સ પર આફ્રિકા હોલિડેની તસવીરો શેર કરી છે. જોકે આ બંનેએ એક સાથે કોઈપણ તસવીર પોસ્ટ કરી નહોતી, પરંતુ મજેદાર વાત એ છે કે તેમની સોશિયલ મીડિયા પોસ્ટ્સમાં ઘણી વસ્તુઓ કોમન જોવા મળી રહી છે.
રિપોર્ટ્સ મુજબ, બંનેના રિલેશનશિપની ચર્ચાઓએ ત્યારે જોર પકડ્યું જ્યારે આ બંનેને ઘણીવાર સાથે સ્પોટ કરવામાં આવ્યા. કિયારા ઘણી પાર્ટીઝમાં સિદ્ધાર્થની સાથે એક જ કારમાં પહોંચી છે. જોકે, આ પહેલાં બંને સિંગલ હોવાનો દાવો કરી ચૂક્યા છે અને હાલ તેમની તરફથી કોઈ જ ઓફિશિયલ એનાઉન્સમેન્ટ કરવામાં આવી નથી.