છેલ્લા ઘણા સમયથી ફેશન વર્લ્ડમાં ટાઇટ જીન્સ પહેરવાનું ચલણ ઝડપથી વધી રહ્યું છે. મોટાભાગની છોકરીઓ ટાઇટ જીન્સ પહેરવાનું પસંદ કરે છે. પણ શું તમને ખબર છે ટાઇટ જીન્સ સ્વાસ્થ્ય માટે હાનિકારક સાબિત થઈ શકે છે?
દરરોજ લાંબા સમય સુધી ટાઇટ જીન્સ પહેરવાથી શરીરને નુકસાન પહોંચી શકે છે.
- ટાઇટ જીન્સ પહેરવાથી મહિલાઓમાં કમરના દુખાવો વધી જાય છે. આ ઉપરાંત, ધીમે-ધીમે સ્લિપ ડિસ્કની સમસ્યા પણ વધતી જઈ રહી છે. ટાઇટ જીન્સ પહેરવાથી કરોડરજ્જુ પર દબાણ આવે છે અને તેમાં દુખાવો વધતો જાય છે.
- લાંબા સમય સુધી ટાઇટ જીન્સ પહેરવાથી વેરિકોઝ વેન (Varicose Veins)ની ફરિયાદ વધી રહી છે. આ નસો જાંઘના પાછળના ભાગમાં આવેલી હોય છે. લાંબી, ઉપસેલી અને ટ્વિસ્ટેડ વેરિકોઝ વેનમાં યોગ્ય રીતે લોહી પરિભ્રમણ ન થવાથી તે ફાટવાની શક્યતા રહે છે. આ ઉપરાંત, ઘણીવાર તે લોહીને ખોટી દિશામાં મુસાફરી કરવાની મંજૂરી આપે છે. આ એક એવી સમસ્યા છે, જેની સારવાર શક્ય નથી.
- ટાઇટ જીન્સ પહેરવાના શોખીન લોકોને હૃદય સંબંધિત બીમારીઓ પણ થઈ શકે છે. કારણ કે, આ લોહીનું પરિભ્રમણ રોકી દે છે. તેથી, શરીરમાં પગના ભાગમાં લોહીની ગાંઠ બનવાનું પણ શરૂ થઈ જાય છે.
- ટાઇટ જિન્સ પહેરવાથી ગર્ભાશયનું સંકોચન થાય છે અને સાથે વંધ્યત્વનું જોખમ પણ વધે છે. ટાઇટ જીન્સ પહેરવાથી પેટ પર ખૂબ દબાણ આવે છે, જે ભવિષ્યમાં સમસ્યાઓ ઊભી કરી શકે છે.