લગ્ન પ્રસંગ હોય કે હોટલમાં ભોજન માટે ગયા હોય લોકોને તંદુરી રોટી ખૂબ પસંદ આવે છે.
કેમિકલ મિક્સ કરીને બનાવવામાં આવે છે મેદો
મેદો ખાવાથી શરીરને ઘણા રોગો થવાનું છે જોખમ
મેદો ખાવાથી શરીરને પૂરતા પ્રમાણમાં નથી મળતું પોષણ
તંદૂરી રોટલી ખાવામાં સારી છે, પરંતુ શું તમે જાણો છો કે તે તમારા સ્વાસ્થ્ય ઉપર શું અસર કરે છે. તાંદૂરી રોટલીના સાઈડ ઇફેક્ટ્સ વિશે જણાવીએ.
ઘણા કેમિકલ મિક્સ કરીને બનાવવામાં આવે છે મેદો
મોટાભાગે તંદૂરી રોટલી મેદાથી બનાવવામાં આવે છે. આ મેદો એક પ્રકારના પ્રોસેસ્ડ અને પોલિશ્ડ ઘઉંમાંથી બનાવવામાં આવે છે. તેને બેન્ઝાયલ પેરોક્સાઇડથી બ્લીચ કરવામાં આવે છે. જે લોટને શુદ્ધ સફેદ રંગ અને સરળ ટેક્સચર આપે છે. ઘણા બધા કેમિકલ સાથે મિક્સ થયા બાદ મેદો તમારા આંતરડા માટે હાનિકારક બની જાય છે.
થઈ શકે છે ઘણા રોગો
તંદૂરી રોટલી બનાવવા માટે મેદાનો ઉપયોગ થાય છે અને તે મેદો ગ્લાઈસેમિક ઇન્ડેક્સ ધરાવે છે. જેના કારણે તમારું સુગર લેવલ વધવા લાગે છે. જો તમે નિયમિત રીતે મેદાનું સેવન કરો છો. તો તેથી તમારા શરીરમાં ઈંસુલીનનું ઉત્પાદન ધીરે ધીરે ઘટતું જાય છે. જેના કારણે તમને ડાયાબિટીઝ થઈ શકે છે. તે ઉપરાંત મેદાનું સતત સેવન કરવાથી IBS , કબજિયાત, ટ્રાઇગ્લિસરાઇડ્સ, કોલેસ્ટ્રોલ વગેરે રોગોનું જોખમ પણ વધે છે.
શરીરને નથી મળતું પોષણ
એક તંદૂરી રોટલીમાં લગભગ 110 થી 150 કેલરી હોય છે. તેમાં કાર્બોહાઈડ્રેટ પણ વધુ પ્રમાણમાં હોય છે. તંદૂરી રોટલમાં પ્રોટીન હોતું નથી. એક તંદૂરી રોટલી કુલ દૈનિક કેલરી (2000 કેલરી)ની જરૂરિયાતમાંથી માત્ર 6% પૂરી પાડે છે. તેથી તંદૂરી રોટલી ખાવાથી તમારુ પેટતો ભરાઈ જાય છે પરંતુ તમારા શરીરને પોષણ મળતું નથી.
હાર્ટ એટેકનું પણ છે વધારે જોખમ
તંદૂરી રોટલી મોટાભાગે કોલસા અથવા લાકડાના તંદૂરમાં રાંધવામાં આવે છે. એક રિપોર્ટ અનુસાર, લાંબા સમય સુધી કોલસો, લાકડામાં રાંધેલા ખોરાક ખાવાથી હાર્ટ એટેકનું જોખમ વધી જાય છે. તે ઉપરાંત રોટલી રાંધવાવાળાને અને તેની પાસે ઊભા અન્ય વ્યક્તિ પર વાયુ પ્રદૂષણનો સામનો કરવો પડે છે. જેના કારણે તેમના ફેફસાં પર ખરાબ અસર પડે છે.
મેદા અને ઘઉંનો લોટ મિક્સ કરીને બનાવો
વૈજ્ઞાનિકોનું કહેવું છે કે, જો તમારે તંદૂરી રોટલી ખાવી હોય તો તેને બહાર ખાવાની જગ્યાએ ઘરે બનાવવાનો પ્રયત્ન કરો. આ માટે તમે મેદાને બદલે ઘઉંના લોટનો ઉપયોગ કરી શકો છે. જો તમે ઇચ્છો તો મેદો અને ઘઉંનો લોટ મિક્સ કરીને પણ તંદૂરી રોટલી બનાવી શકો છે. આ તંદૂરી રોટલી બનાવવા માટે લાકડા અથવા કોલસાની આગને બદલે ઓવનનો ઉપયોગ કરવો જોઈએ.