બીમાર થવાથી ડૉકટરની પાસે જવાથી ડૉકટર દવા આપે છે. લોકો આ દવાને એવા વિશ્વાસની સાથે ઘર લાવે છે કે જેને ખાઈને તમે સાજા થઇ જશો. પરંતુ ઘણી વખત દવાઓ ખાધા બાદ પણ અસર થતી નથી અથવા બીજી સમસ્યા શરૂ થાય છે.
શું તમે ચાની સાથે દવાનુ સેવન કરો છો?
તમારા આરોગ્યને થશે નુકસાન
દવાની અસર ઘટવાથી તમને જલ્દી રિકવરી નહીં આવે
ચાની સાથે કેમ ના લેવાય દવા?
જેનુ કારણ એવુ હોઇ શકે છે કે જે દવા તમે ખાઈ રહ્યાં છો તે સંબંધિત બિમારી માટેની ના હોય અને બીજુ કારણ એવુ હોઈ શકે છે કે તમે દવા ખોટી રીતે ખાઈ રહ્યાં છો. જો તમે પણ ચાની સાથે દવા લો છો તો તમારે એ સમજવુ પડશે કે આમ કરવુ કેટલુ નુકસાનકારક હોઇ શકે છે. મોટાભાગના લોકોને ચા પીવાનુ પસંદ હોય છે. ઘણી વખત તો લોકો દવાનુ સેવન પણ ચાની સાથે કરી લે છે. આવુ કરવાથી આરોગ્યને નુકસાન થાય છે. ચામાં ટેનિક એસિડ, થિયોફિલાઈન અને કેફીન આવે છે. આ સાથે તેમાં ટેનિન હોય છે, જે દવા સાથે મળ્યાં બાદ રાસાયણિક પ્રતિક્રિયા કરે છે. આ રીતે આ દવાના અસરને ઘટાડી દે છે. દવાની અસર ઘટવાથી તમે જલ્દી રિકવર નહીં કરી શકો.
જો તમે ઊંઘની દવા ચા સાથે લો છો તો તેમાં રહેલુ કેફીન ઊંઘની દવાના પ્રભાવને ઘટાડી દે છે. આ સાથે એનીમિયાથી પીડિત લોકોએ પણ ચાની સાથે દવા ના લેવી જોઈએ. ચામાં કેટેચિન ફ્લેવોનાઇડ હોય છે, જે આયરનના અવશોષણમાં અડચણ ઉત્પન્ન કરે છે.
શું જ્યુસની સાથે દવા લઈ શકાય?
જ્યુસ પીવુ આરોગ્ય માટે ફાયદાકારક હોય છે, તેથી બિમારીમાં વારંવાર ડૉકટર જ્યુસ પીવાની સલાહ આપે છે. એવામાં તમારે જ્યુસનુ સેવન અલગથી કરવુ જોઈએ દવાની સાથે નહીં. જેનાથી દવાની અસર ઘટી જાય છે, જે રિકવરીની પ્રક્રિયાને ઘટાડી દે છે. જેનાથી એન્ટીબાયોટિક્સના પ્રભાવમાં ઘટાડો આવે છે.