લીંબુ પાણીના સેવનના ફાયદો તો ખ્યાલ જ છે પણ તેના સેવનથી અનેક નુકસાન પણ થાય છે અને પરિણામ ગંભીર હોઈ શકે છે.
લીંબુ પાણીના ફાયદાથી સૌ જાણકાર છે
લીંબુ પાણી કરે છે નુકસાન પણ
જાણો કઈ મુશ્કેલી થઈ શકે છે
લીંબુ પાણી પીવાના અનેક ફાયદા છે અને તે આપણે સૌ જાણીએ છીએ. પણ જો તમે વધારે પ્રમાણમાં લીંબુ પાણીનું સેવન કરો છો તો તે તમને નુકસાન કરી શકે છે. જાણો કયા નુકસાન થઈ શકે છે.
દાંતને ખરાબ કરી શકે છે
લીંબુ પાણીના સેવનથી તમારા દાંત ખરાબ થઈ શકે છે. લીંબુમાં સાઈટ્રિક એસિડ હોય છે જે દાંતના ઈનેમલને ખરાબ કરે છે. સાથે દાંતમાં ઠંડા અને ગરમ પાણી લાગવાની તકલીફ પણ થઈ શકે છે.
પેટમાં થઈ શકે છે તકલીફ
વધારે પ્રમાણમાં લીંબુ પાણીના સેવનથી પેટ સંબંધી તકલીફ થઈ શકે છે. તેનાથી પેટમાં દર્દ, લૂઝ મોશન અને પેપ્ટક અલ્સરની સંભાવના શક્ય છે. લીંબુમાં ઓક્સલેટ વધારે હોય છે અને તે શરીરમાં જઈને ક્રિસ્ટલનું રૂપ લઈ શકે છે. તેના કારણે સ્ટોનની સમસ્યા થઈ શકે છે.
યૂરિનેશનની તકલીફ વધે છે
લીંબુ પાણી ડાઈયુરેટિક હોય છે જેનાથી યૂરિનેશનની તકલીફ વધે છે. લીંબુ પાણીના વધારે સેવન કરવાથી વારે ઘડી પેશાબ જવાની સ્થિતિ બને છે. તેના કારણે તમને ડિહાઇડ્રેશનની સમસ્યા આવી શકે છે.
છાતીમાં બળતરા
લીંબુ પાણીના વધારે સેવનથી છાતીમાં બળતરાની સમસ્યા રહે છે. લીંબુ પ્રોટીન તોડનારા એન્જાઈમ પેપ્સિનને એક્ટિવ કરવામાં મદદ કરે છે તેનાથી છાતીમાં બળતરાની સ્થિતિ બને છે.
મોઢામાં ચાંદાની તકલીફ વધારે છે
મોઢામાં ચાંદા થવાની સ્થિતિમાં લીંબુનું સેવન કરવું નહીં. તે મોઢાના ચાંદાને વધારી શકે છે. એટલું જ નહીં તેનાથી નવા ચાંદાની સાથે ગેસ્ટ્રોએસોફેગલ રિફ્લક્સ ડિસિઝની શક્યતા પણ રહે છે. આ એ સ્થિતિ છે જેમાં પેટમાં બનનારા એસિડ એસોફૈગસ સુધી જાય છે.
માઈગ્રેનની તકલીફ વધારે છે
જે લોકોને માઈગ્રેનની તકલીફ છે તેમણે લીંબુ પાણીનું સેવન પ્રમાણસર કરવું. લીંબુમાં રહેલું ટાયરામાઈન તત્વ માઈગ્રેનની તકલીફને વધારે છે.