આજે અમે તમને એ ફૂડ આઈટમ્સ વિશે જણાવવા જઈ રહ્યા છીએ જેને સાથે ખાવાથી તમારા બાળકોના સ્વાસ્થ્ય પર ખરાબ અસર પડી શકે છે.
બાળકોને આ વસ્તુઓ આપો છો તો થઈ જાઓ સાવધાન
આ ફૂડ્સનું કોમ્બિનેશન છે ખતરનાક
જાણો તેના વિશે
દરેક માતા-પિતા પોતાના બાળકોની દરેક ઈચ્છાઓ પુરી કરવાનો પ્રયત્ન કરે છે. પછી તે વાત સારા અભ્યાસની હોય કે બહાર ભોજન કરવાની હોય, દરેકે પેરેન્ટ્સ પોતાની શક્તિ અનુસાર બાળકો માટે બેસ્ટ જ કરે છે. પરંતુ ઘણી વખત જાણે અજાણ્યે પેરેન્ટ્સ બાળકોને એવા ફૂડ કોમ્બિનેશન પણ ખવડાવી દે છે જે તેમના સ્વાસ્થ માટે ઠીક નથી અને બાળકો તેના કારણે બિમારીનો શિકાર બને છે.
બર્ગરની સાથે ફ્રાઈઝ ખાવી
મોટાભાગે લોકો બર્ગરની સાથે ફ્રાઈઝ ખાવાનું પસંદ કરે છે. મોટાભાગના બર્ગર આઉટલેટ્સ પર પણ બર્ગરની સાથે ફ્રાઈઝની ઓફર મળે છે. પરંતુ આ બન્ને ફૂડનું કોમ્બિનેશન તમારા સ્વાસ્થ્ય માટે ઠીક નથી. તેનાથી બાળકોનું બ્લડ શુગર ઓછુ થઈ શકે છે. નાના બાળકોની ઈમ્યુનિટી અને પાચન કમજોર થઈ જાય છે માટે બાળકોને આ બન્ને વસ્તુઓ એક સાથે ન ખવડાવવી જોઈએ.
પિઝાની સાથે કોક પીવી
પિઝાની સાથે કોલ્ડ ડ્રિંક પીવાના શોખીન તો ઘરે ઘરે હોય છે. પરંતુ તે વાત તમે નહીં જાણતા હોવ કે આ કોમ્બિનેશન ખૂબ જ હાનિકારક છે. પિઝામાં કાર્બોહાઈડ્રેડ ઉપરાંત સ્ટાર્ચ અને પ્રોટીન ખૂબ જ વધારે પ્રમાણમાં હોય છે. જેને પચાવવામાં શરીરને વધારે મહેનત કરવી પડે છે. એવામાં જો તમે પિઝાની સાથે ફિઝી ડ્રિંક પીવો છો તો મામલો બગડી શકે છે. માટે તમારા બાળકોનું પેટ ખરાબ થઈ શકે છે.
દૂધની સાથે કેળા ખાવા
અમુક લોકો કેળા અને દૂધને એક સાથે ખાવાને ખૂબ પસંદ કરે છે. જ્યારે એવું કહેવામાં આવે છે કે આ વાત યોગ્ય નથી. એ વાત સાચી છે કે આ બન્નેમાં ખૂબ જ પોષક તત્વો હોય છે. પરંતુ તેને એક સાથે ખાવા યોગ્ય નથી. જો તમે બન્ને એકી સાથે ખાવ છો તો ખૂબ જ હેવી થઈ જાય છે જેને ખાધા બાદ ઉંઘ આવે છે. માટે સારૂ રહેશે કે તમે બાળકોને દૂધ અને કેળા થોડા સમયના ગેપમાં ખવડાવો.
ફળની સાથે દહીં ખાવું
અમુક લોકો દહીંની સાથે ફળ ખાવાના શોખીન હોય છે અને પોતાના બાળકોને પણ આ પ્રકારના ફળ ખાવાની સલાહ આપે છે. પરંતુ એ વાત તમે જાણો છે કે આ કોમ્બિનેશનમાં જે ટોક્સિન હોય છે તે 10 વર્ષથી ઓછા ઉંમરના બાળકોના આંતરડાના ફ્લોરામાં ફેરફાર લાવી શકે છે. તેનાથી બાળકોને કફ જામવા, ખાંસી અને શરદી અને અહીં સુધી કે દુર્લભ મામલાઓમાં એલર્જી પણ થઈ શકે છે. સારૂ રહેશે કે દહીં અને ફળ ખાવાની વચ્ચે ઓછામાં ઓછા એક કલાકનો ગેપ રાખવામાં આવે.