Health Tips / આ 5 બીમારીઓથી છો પરેશાન તો ભૂલથી પણ ન પીતા દૂધ, નહીં તો ફાયદાની જગ્યા પર થશે મોટુ નુકસાન

• દૂધ પીધા પહેલા આ સત્ય જાણી લો 
• આ બીમારીઓમાં ન પીવો દૂધ 
• સ્વાસ્થ્યને થાય છે આ નુકસાન 

બાળપણથી પણ આપણે બધાએ દૂધ પીવાના ધમા ફાયદા વિશે સાંભળ્યું હશે. દૂધમાં કેલ્શિયમ, વિટામીન A, K અને B12ની સાથે થાઈમીન અને નિકોટિનિક એસિડ જેવા પોષક તત્વો હોય છે, જે તેને સંપૂર્ણ ખોરાક બનાવે છે. એવું માનવામાં આવે છે કે દરરોજ દૂધ પીવાથી વ્યક્તિ કબજિયાત, તણાવ, અનિદ્રા, થાક અને નબળાઈથી દૂર રહે છે. 

એટલું જ નહીં, દૂધમાં હાજર કેલ્શિયમ દાંત અને હાડકાંની મજબૂતી માટે પણ જરૂરી માનવામાં આવે છે. પરંતુ શું તમે જાણો છો કે દૂધ દરેક માટે ફાયદાકારક સાબિત નથી થતું. કેટલાક લોકો માટે દૂધનું સેવન પણ ઘણું નુકસાનકારક હોય છે. આવો તમને જણાવીએ કે આવા લોકો કોણ છે જેમણે દૂધથી બચવું જોઈએ.

આ લોકોએ દૂધ ન પીવું જોઈએ
જે લોકોને કમળો, ઝાડા, મરડો અથવા એવી કોઈ સમસ્યા હોય કે જેનાથી સાંધા પર સોજો આવે તો એવા લોકોએ દૂધનું સેવન ટાળવું જોઈએ. ઘણીવાર એવું જોવામાં આવ્યું છે કે દૂધના વધુ પડતા સેવનને કારણે કેટલાક લોકોના લિવરમાં સોજો વધી જવાની ફરિયાદ કરે છે અને ફાઈબ્રોઈડની સમસ્યા પણ થઈ શકે છે. જો આવા લોકો સતત દૂધનું સેવન કરતા રહે તો તેમની સમસ્યા પણ ગંભીર સ્વરૂપ ધારણ કરી શકે છે.

ફેટી લીવર
ફેટી લિવરની સમસ્યાથી પીડિત લોકોએ દૂધ ન પીવું જોઈએ. આવા લોકો દૂધ સરળતાથી પચાવી શકતા નથી. ફેટી લિવરથી પીડિત લોકોને ખૂબ જ મર્યાદિત માત્રામાં પ્રોટીન લેવાની સલાહ આપવામાં આવે છે અને દૂધ પ્રોટીનથી ભરપૂર હોય છે. આવી સ્થિતિમાં દૂધ પીવાથી અપચો, એસિડિટી, ગેસ, સુસ્તી, થાક, વજન વધવું કે ઘટવું જેવી સમસ્યાઓ થઈ શકે છે.

ગેસની સમસ્યા
દૂધમાં લેક્ટોઝ હોય છે. જે ક્યારેક પાચનને બગાડે છે. આ કારણે, વધુ પડતું દૂધ પીવાથી ઝાડા, પેટનું ફૂલવું અથવા ગેસ થઈ શકે છે. ડૉક્ટરો વારંવાર ભલામણ કરે છે કે જેઓને ગેસની સમસ્યા હોય તેમણે દૂધનું સેવન ટાળવું જોઈએ.

એલર્જી
કેટલાક લોકોને દૂધની એલર્જી પણ થાય છે. આનું કારણ પણ લેક્ટોઝ છે. આ કિસ્સામાં તે રોગપ્રતિકારક શક્તિને અસર કરી શકે છે. જેના કારણે ત્વચા પર ખંજવાળ, શ્વાસ લેવામાં તકલીફ અથવા લાલ ફોલ્લીઓ સાથે શરીરમાં સોજો આવી શકે છે. તેથી જો કોઈને એલર્જીની સમસ્યા હોય તો તેણે દૂધનું સેવન ન કરવું જોઈએ.

સ્થૂળતા
જો તમે સ્થૂળતાથી પરેશાન છો, તો ઓછામાં ઓછું દૂધનું સેવન કરો. કારણ કે દૂધ એક સંપૂર્ણ ખોરાક છે. પરંતુ દૂધ શરીરમાં વધારાની ચરબી જમા કરે છે.

સ્કીન પ્રોબ્લેમ્સ
વધુ માત્રામાં દૂધનું સેવન ત્વચા માટે પણ ફાયદાકારક નથી. તેનાથી પિમ્પલ થવાની શક્યતા વધી જાય છે અને ખીલની સમસ્યા પણ થઈ શકે છે. આવી સ્થિતિમાં તેનું સેવન માપમાં કરો.