હેલ્થ / ફક્ત ફાયદા જ નહીં શરીરને નુકસાન પણ પહોંચાડે છે બીટ, થઈ શકે છે કિડની-લિવરની ગંભીર બીમારીઓ

• બીટ વધુનું વધુ પ્રમાણમાં ન કરો સેવન 
• થઈ શકે છે આ ગંભીર બીમારીઓ 
• જાણો તેના નુકસાન વિશે 

બીટ અથવા તેનો જ્યૂસ ઘણા પોષક તત્વોથી ભરપૂર હોય છે જે શરીર માટે ખૂબ જ ફાયદાકારક માનવામાં આવે છે. જોકે આ દરેક લોકો માટે ફાયદાકારક નથી. બીટમાં ઓક્સલેટની માત્રા વધારે હોય છે જે શરીરને ઘણા પ્રકારે નુકસાન પણ પહોંચાડવાનું કામ કરે છે. યોગ્ય પ્રમાણમાં બીટ ખાવાથી શરીરને ઘણા પ્રકારની બીમારીઓથી  હચાવી શકાય છે. 

ત્યાં જ વધારે ખાવાથી સાઈડ ઈફેક્ટ્સ (Side Effects Of Beetroot) પણ જોવા મળે છે. આવો જાણીએ બીટ અથવા તેના જ્યૂસની વધુ પ્રમાણમાં શરીરને કયા પ્રકારના નુકસાન થઈ શકે છે. 

કિડની સ્ટોનનો ખતરો 
ક્લિનિકલ ન્યૂટ્રિશન રિસર્ચ અનુસાર બીટ ઓક્સલેટથી ભરપૂર હોય છે અને તેના કારણે પથરી બને છે. જો તમને પહેલાથી જ પથરીની સમસ્યા છે તો ડોક્ટર તમને બીટ અથવા તેના જ્યુસનું સેવન બંધ કરવાની સલાહ આપે છે. બીટમાં મળી આવતા ઓક્સલેટ કિડની સ્ટોનને (beetroot juice side effects kidney) વધારે વધારી શકે છે. 

એનાફિલેક્સિસની સમસ્યા 
બીટના કારણે એનાફિલેક્સિસની પણ સમસ્યા થઈ શકે છે. જોકે તેના કેસ ખૂબ જ ઓછા જોવા મળે છે. આ એખ પ્રકારની એલર્જીની સમસ્યા હોય છે જેના કારણે સ્કિન પર ચકામા, ખંજવાડ, સોજા અથવા અસ્થમાના લક્ષણ થવા લાગે છે. આવી સ્થિતિમાં બીટનું સેવન ન કરવાની સલાહ આપવામાં આવે છે. 

પેટમાં ગડબડ 
બીટમાં નાઈટ્રેટ હોય છે. હેલ્થ એક્સપર્ટ્સ અનુસાર નાઈટ્રેટનું વધુ પ્રમાણ પેટમાં ચુક આવે છે. તેના જ્યુસથી અમુક લોકોનું પેટ ખરાબ પણ થઈ શકે છે અને પાચન સંબંધી સમસ્યાઓ થઈ શકે છે. નાઈટ્રેટના કારણે પ્રેગ્નેન્ટ મહિલાઓને પણ બીટનું સેવન ઓછા પ્રમાણમાં કરવાની સલાહ આપવામાં આવે છે. 

લિવરને નુકસાન 
સ્ટડી દ્વારા જાણકારી મળી છે કે બીટનું વધુ સેવન કરવાથી લિવરની પણ સમસ્યા થઈ શકે છે. બીટમાં કોપર, આયર્ન, ફોર્ફોરસ, મેગ્નીશિયમ હોય છે. વધુ માત્રામાં આ મિનરલ્સ લિવરમાં જઈને જમા થવા લાગે છે અને તેને નુકસાન પહોંચાડે છે. બીટ વધારે ખાવાથી શરીરમાં કેલ્શિયમનું પ્રમાણ ઓછુ થવા લાગે છે જેનાથી હાડકાની સમસ્યા વધવા લાગે છે.