ચેતી જજો! / ગરમીમાં ACમાં જ રહેવાની ટેવ હોય તો જાણી લેજો, એક-બે નહીં 7 ગંભીર સાઈડ ઈફેક્ટ્સ

• ACમાં વધારે સમય રહેવાથી શરીરને થાય છે નુકસાન 
• શ્વાસમાં પણ પડે છે તકલીફ 
• સ્કીન માટે પણ ખતરો 

બળી નાંખે એવી ગરમી અને પરસેવાથી રાહત મેળવવા માટે લોકો એર કંડીશનરનો સહારો લે છે. પરંતુ માણસની આ જરૂરીયાત હવે વ્યસન બનવા લાગી છે. ઘર, ઓફિસ અને કાર બધું જ એરકંડીશનિંગ થઇ ગયું છે. તાપમાન 40 ડીગ્રી સેલ્સિયસ પહોંચતા જ લોકો AC વિના શ્વાસ જ નથી લઇ શકતા. પરંતુ શું તમે જાણો છો કે એરકંડીશનરનું આ વ્યસન આપણા શરીર માટે કેટલું ખરાબ છે. 

રેસ્પિરેટરી સાથે જોડાયેલ સમસ્યા 
વધારે સમય સુધી ACમાં રહેનાર લોકોને નાક અને ગળા સાથે જોડાયેલ સમસ્યાઓનો સામનો કરવો પડે છે. તમે ગળાની ડ્રાયનેસ, રાઈનાઈટિસ અને નસનાં બ્લોકેજનો શિકાર બની શકો છો. રાઈનાઈટિસ એક એવી કંડીશન છે જે નાકનાં મ્યૂકસ મેમ્બ્રેન્સમાં ઇન્ફ્લેમેશન વધારે છે. આવું વાયરલ ઇન્ફેકશન એલર્જેટિક રિએક્શનના કારણે થઇ શકે છે. 

શ્વાસ લેવામાં તકલીફ 

અસ્થમા અને એલર્જીથી પીડિત લોકો માટે AC વધારે ખતરનાક છે. સેન્સિટીવ લોકો મોટેભાગે પ્રદુષણથી બચવા માટે ખુદને ઘરમાં જ કેદ રાખે છે. પરંતુ શું તમે જાણો છો કે ઘરમાં AC જો સારી રીતે સાફ ન હોય તો એલર્જીથી પીડિત લોકો માટે ખતરારૂપ બની શકે છે. 

ઇન્ફેકશીયસ ડીઝીઝ 
વધારે સમય ACમાં રહેવાથી મ્યૂકસ મેમ્બ્રેન્સની સમસ્યા વધી જાય છે. પ્રોટેક્ટીવ મ્યૂકસ વગર વાયરલ ઇન્ફેકશનનો ખતરો વધી શકે છે. 

ડિહાઈડ્રેશન 
રૂમ ટેમ્પરેચરનાં મુકાબલામાં ACમાં રહેવાવાળા લોકોમાં ડિહાઈડ્રેશનની સમસ્યા વધારે જોવા મળે છે. 

માથામાં દુખાવો 

ACને કારણે માથામાં દુખાવાની કે માઈગ્રેનની સમસ્યા વધી શકે છે. ડિહાઈડ્રેશન એક ટ્રીગર છે જેને માઈગ્રેનનાં મામલામાં મોટેભાગે ઇગ્નોર કરવામાં આવે છે. 

ડ્રાય આઈસ 

જો તમને ડ્રાય આઈસની સમસ્યા છે તો વધારે સમય સુધી ACમાં રહેવું તમારા માટે ઠીક નથી. આંખોમાં ખંજવાળ પણ આવે છે. ડ્રાય આઈ સિન્ડ્રોમથી પીડિત લોકોએ વધારે સમય સુધી ACમાં ન રહેવું જોઈએ. 

ડ્રાય સ્કીન 
ACમાં વધારે સમય સુધી રહેવાથી સ્કીન પર ખંજવાળ અને ડ્રાય સ્કીન જેવી સમસ્યાઓનો સામનો કરવો પડી શકે છે. સેન્સિટીવ સ્કીનવાળા લોકોએ તો ખાસ સાવધાન રહેવું જોઈએ.