કાકડી વિટામિન કે અને એન્ટી ઓક્સીડેંટથી ભરપુર હોય છે પરંતુ શું કાકડી એટલી જ ગુણકારી છે જેટલી તેને કહેવામાં આવે છે ?
કાકડીને સ્વાસ્થ્ય માટે બેસ્ટ ઓપ્શન માનવામાં આવે છે
સાંજના સમયે ન ખાવી જોઈએ કાકડી
વધુ કાકડી કરી શકે છે બીમાર
કાકડીને સ્વાસ્થ્ય માટે ઉતમ માનવામાં આવે છે. મોટાભાગે લોકો સલાડમાં કાકડી ખાવાનું પસંદ કરે છે. કાકડી વિટામિન કે અને એન્ટીઓક્સીડેંટથી ભરપુર હોય છે પરંતુ શું કાકડી એટલી જ ગુણકારી છે જેટલી તેને કહેવામાં આવે છે? યોગ્ય સમય પર કાકડીનું સેવન તમારા શરીર માટે લાભદાયી રહે છે. પરંતુ સમય વગરે તેનું સેવન કરવાથી તે ખતરનાક હોઇ શકે છે.
વધુ કાકડી કરી શકે છે બીમાર
જો કાકડીનું સેવન ઓછી માત્રામાં કરવામાં આવે છે તો તમારા શરીરને કોઇ નુક્સાન થતુ નથી. પણ જો તેનું વધુ પડતા પ્રમાણમાં સેવન કરવામાં આવે તો તે પેટ સંબંધિત કેટલીક સમસ્યાઓ પેદા કરી શકે છે. કાકડી ખાધા બાદ તમને પેટ થોડું હેવી લાગશે કારણ કે તેમાં 95% પાણી હોય છે. વધુ પ્રમાણમાં કાકડીનું સેવન શરીરમાં રહેલ પ્રવાહી પદાર્થના અતિશય ડિસ્ચાર્જ ( સ્ત્રાવ )નું કારણ બની શકે છે જે ઇલેક્ટ્રોલાઇટના સંતુલનને બગાડી શકે છે. બીજી તરફ જો તેનું સેવન યોગ્ય પ્રમાણમાં કરવામાં આવે તો તે હાઇડ્રેશનમાં મદદરૂપ થાય છે.
રાત્રીના સમયે કાકડીનું સેવન કેમ ન કરાય ?
તમે વડીલો પાસે સાંભળ્યું હશે કે રાત્રે કાકડીનું સેવન ન કરાય. જોકે તેના પાછળ એક વૈજ્ઞાનિક કારણ છે. રાત્રે કાકડી ખાવાથી તમારી પાચનક્રિયામાં મુશ્કેલી આવી શકે છે અને તમારી ઉંઘમાં અવરોધ આવી શકે છે. કાકડી ભલે પાણીથી ભરપૂર હોય પરંતુ તેને પચાવવી મુશ્કેલ હોય છે. રાત્રીના સમયે ભારે ભોજન સાથે ક્યારેય પણ કાકડીનું સેવન ન કરાય કારણ કે તેનાથી તમારા પાચનતંત્ર પર વધુ લોડ પડી શકે છે. આ જ કારણ છે કે બરાબર ઉંઘ લેવા માટે હંમેશા 7 વાગ્યા આસપાસ હળવો ખોરાક ખાવાની સલાહ આપવામાં આવે છે અને જો તમે ઇચ્છો તો સૂવાથી ઓછામાં ઓછા 3-4 કલાક પહેલા કાકડી ખાઇ શકો છો.
કોણે ન ખાવી જોઈએ કાકડી?
જો તમે પહેલાથી જ પેટ સંબંધિત ગંભીર સમસ્યાઓથી પીડાઈ રહ્યા છો તો તમે બપોરના ભોજન સમયે સલાડમાં કાકડી ખાઇ શકો છો પરંતુ ત્યાર બાદ નહી !એવું નથી કે કાકડી હંમેશા માટે ન ખાવી જોઈએ. તમે કાકડીને યોગ્ય સમયે યોગ્ય માત્રામાં લઇ શકો છો. દિવસમાં ઓછી માત્રામાં કાકડી તમારા શરીરને નુકસાન નહીં પહોંચા ડે. તેના બદલે તમારા શરીરને હાઇડ્રેટ રાખશે. હાડકાઓને મજબૂતી અને વજન ઘટાડવામાં મદદરૂપ થશે.