મહિલાઓને આમતો સન્માન અને વિશ્વાસની નજરે જોવામાં આવતી હોય છે પરંતુ આજકાલ મહિલાઓના એવા કારનામાં સામે આવી રહ્યા છે કે સભ્ય સમાજની મહિલાઓના માથા શરમથી ઝૂકી જાય. અમે આપને એવી મહિલાઓ વિશે જણાવીશું કે જે મહિલાઓ વેપારીઓને ચૂનો લગાવતી હતી.
છેલ્લા કેટલાય સમયથી પાટણ જિલ્લાના સિદ્ધપુર શહેરમાં સોના-ચાંદીની દુકાનોમાં નકલી ગ્રાહક બનીને ચોરી કરતી મહિલા ગેંગની રાડ ઉઠવા પામી હતી લોકોની સાથે પોલીસ પણ આ શાતિર મહિલાઓની ચોર ગેંગને ઝડપવા માટે એડીચોટીનું જોર લગાવ્યું હતું પરંતુ સફળતા હાથ લાગી ન હતી.
પરંતુ ગત રોજ આ મહિલા ચોર ગેંગ પોતાની સફેદ ઈન્ડીગો કારમાં સીતપુર શહેરના જૈન દેરાસર પાસે જોવા મળતા એક વેપારી આ મહિલા ચોર ગેંગને ઓળખી જતા તેઓએ પોલીસને જાણ કરી હતી પોલીસને જાણ થતાં જ પોલીસ હરકતમાં આવી હતી અને સિદ્ધપુર શહેરના બિંદુ સરોવર પાસેના પીકઅપ સ્ટેન્ડ પાસેથી ઈન્ડિગો કારને આંતરી આ મહિલા ચોર ગેંગ ને આબાદ ઝડપી પાડી હતી.
ઝડપાયેલામાં ચાર મહિલા અને બે પુરૂષનો સમાવેશ થવા જાય છે જેમાં આજે ઝડપાયેલી ગેંગ છે તે મહારાષ્ટ્રીયન ગેંગ તરીકે ઓળખાય છે જેઓએ અગાઉ થોડા સમય પહેલા સિદ્ધપુરની એક જવેલર્સમાંથી નકલી ગ્રાહક બનીને પોતાના પર્સમાં દાગીના સેરવી લીધા હતા. જો કે આ તમામ ઘટના દુકાનમાં લાગેલા સીસીટીવી કેમેરામાં કેદ થઇ જવા પામી હતી આજે જે ગેંગ ઝડપાઈ છે.
ઝડપાયેલ તમામ ગેંગ મહારાષ્ટ્રની છે. જોકે તેના સાગરીતો અમદાવાદમાં રહેતા હોય અવાર-નવાર આ મહિલા ચોર ગેંગ ગુજરાતના અમુક શહેરોને ટાર્ગેટ બનાવતી હતી આ મહિલા ચોર ગેંગની એમ ઓ એવી હતી કે જે દુકાનમાં જાય ત્યાંરે બની-ઠનીને ગ્રાહક રૂપમાં વેપારીની નજર ચૂકવી ઘરેણા સેરવી લેતી હતી.
હાલ તો ઝડપાયેલ મહારાષ્ટ્રીયન મહિલા ચોર ગેંગ સિદ્ધપુર પોલીસ માટે એક મોટી સફળતા સમાન છે હાલ તો પોલીસે ઝડપાઈ ચોર ગેંગને કોર્ટમાં રજુ કરી રિમાન્ડ મેળવવાની તજવીજ હાથ ધરી છે પોલીસને પ્રાથમિક સિદ્ધપુર ખાતેના એક જ્વેલર્સની ચોરીની ઘટનાનો ભેદ ઉકેલ વામા સફળતા મળી છે.
જોકે આ મહારાષ્ટ્રીયન મહિલા ચોર પાટણ જિલ્લાના તેમજ ગુજરાતના કયા કયા શહેરોમાં ચોરી કરી છે તે પણ ખુલે તેઓ પોલીસને આશાવાદ છે. હાલ તો મહિલા ચોર ગેંગને ઝડપવામાં મહત્વની ભૂમિકા કહી શકાય તો સીસીટીવી કેમેરા અને એક વેપારીની સમયસૂચકતાના કારણે સિદ્ધપુરમાં અન્ય કોઈ જવેલર્સની દુકાન શિકાર બની તે પહેલાં જ આ મહિલા ચોર ગેંગ પોલીસના હાથે ઝડપાઇ જતા સિદ્ધપુરના વ્યાપારીઓએ પણ રાહતનો દમ લીધો હતો.