સુરત / મની લોન્ડરીંગ કેસમાં સિદ્ધિ વિનાયક લોજિસ્ટિક પ્રાઈવેટ લિમીટેડ પર ઈડીની કાર્યવાહી

ઈડીએ કંપનીના રૂપિયા 16 કરોડથી વધુના 6 હજાર જેટલા વાહનો પણ જપ્ત કર્યા છે. અગાઉ પણ ઈડીએ વર્ષ 2017માં રૂપિયા 19 કરોડની સંપતિ ટાંચમાં લીધી હતી. ઉલ્લેખનીય છે કે, અગાઉ રૂપચંદ વૈદ્યની બેંક ઓફ મહારાષ્ટ્ર સાથે છેતરપિંડીના કેસમાં પણ ધરપકડ કરવામાં આવી હતી. કંપનીએ તાતા મોટર્સ સાથે દુનિયાનો સૌથી મોટો ટ્રક ખરીદવાનો કોન્ટ્રાક્ટ કર્યો હતો.

2017માં પણ સામે આવ્યું હતું કૌભાંડ
સિધ્ધિ વિનાયક લોજિસ્ટિક દ્વારા 'ચાલક સે માલક' તકની લોભામણી સ્કીમમાં ટ્રક ડ્રાયવરોના ખભા ઉપર બંદૂક મૂકીને બેન્ક ઓફ મહારાષ્ટ્ર સાથે રૂ. ૮૪૬ કરોડની છેતરપિંડી કરી હતી. કેસમાં મુંબઇની એન્ફોર્સમેન્ટ ડિરેકટોરેટ દ્વારા મની લોન્ડરિંગ એક્ટ હેઠળ ગુનો નોંધીને રિકવરી તરફ વધુ ધ્યાન કેન્દ્રિત કર્યું છે.