સિદ્ધાર્થ-કિયારાના શાહી લગ્ન માટે જેસલમેરના સૂર્યગઢ પેલેસને દુલ્હનની જેમ સજાવવામાં આવ્યો છે અને એ શાહી મહેલમાં સિદ્ધાર્થ અને કિયારા આજે લગ્ન કરીને તેમના નવા જીવનની શરૂઆત કરશે.
જેસલમેરના સૂર્યગઢ પેલેસને દુલ્હનની જેમ સજાવવામાં આવ્યો છે
લગ્નમાં મેનુથી લઈને સ્થળ સુધીની દરેક વસ્તુ ખાસ રાખવામાં આવી
ગઈકાલે ગુલાબી રંગે રંગાયો હતો સૂર્યગઢ પેલેસ
Sidharth Malhotra-Kiara Advani Wedding: મંડપ સજવાઈ ગયો છે... કિયારાના હાથ પર મહેંદી પણ લગાવવામાં આવી ગઈ છે. હવે બધા જ એ ક્ષણની રાહ જોઈ રહ્યા છે, જ્યારે બોલિવૂડના લવ બર્ડ્સ કિયારા અડવાણી અને સિદ્ધાર્થ મલ્હોત્રા શાહી અંદાજમાં સાત ફેરા લઈને વર-વધૂ બનશે. જણાવી દઈએ કે સિદ્ધાર્થ-કિયારાના શાહી લગ્ન માટે જેસલમેરના સૂર્યગઢ પેલેસને દુલ્હનની જેમ સજાવવામાં આવ્યો છે અને એ શાહી મહેલમાં સિદ્ધાર્થ અને કિયારા આજે લગ્ન કરીને તેમના નવા જીવનની શરૂઆત કરશે.
ગ્રેન્ડ વેડિંગ કરશે કિયારા- સિદ્ધાર્થ
7 ફેબ્રુઆરીનો દિવસ એટલે કે આજનો દિવસ સિદ્ધાર્થ અને કિયારા માટે તેમના જીવનનો સૌથી સુંદર દિવસ બનવા જઈ રહ્યો છે. જણાવી દઈએ કે ડેટિંગ બાદ બંને લવ બર્ડ આ જ દિવસે શાહી અંદાજમાં લગ્નના બંધનમાં બંધાશે અને બંનેના ભવ્ય લગ્ન પરિવાર અને નજીકના લોકોની હાજરીમાં થશે. આ સાથે જ લગ્નમાં મેનુથી લઈને સ્થળ સુધીની દરેક વસ્તુ ખાસ રાખવામાં આવી છે.
ગુલાબી રંગે રંગાયો સૂર્યગઢ પેલેસ
સિદ્ધાર્થ અને કિયારાના લગ્ન પહેલા 6 ફેબ્રુઆરીએ મહેંદી અને સંગીત સેરેમની થઈ હતી અને સંગીત રાત્રિ માટે સૂર્યગઢ પેલેસને ગુલાબી રંગથી સજાવવામાં આવ્યો હતો. ગુલાબી રંગમાં રંગાયેલા સૂર્યગઢ પેલેસની તસવીરો સોશ્યલ મીડિયા પર વાયરલ થઈ રહી છે.
84 રૂમ અને 70 લક્ઝરી વાહનો અને 100 થી વધુ ખાનગી સિક્યોરિટી ગાર્ડ
લગ્નની તમામ વિધિઓ 5 થી 7 ફેબ્રુઆરી દરમિયાન કરવામાં આવી છે. લગ્નની વિધિ માટે મહેમાનો પણ જેસલમેર પહોંચી ગયા છે. મહેમાનો માટે 84 રૂમ અને 70 લક્ઝરી વાહનો બુક કરવામાં આવ્યા છે. લગ્નની વિધિ દરમિયાન કોઈને ફોન અંદર લઈ જવાની મંજૂરી નથી. 100 થી વધુ ખાનગી સિક્યોરિટી ગાર્ડ હોટલની સુરક્ષા સહિતની સમગ્ર વ્યવસ્થા જોઈ રહ્યા છે. બંને પરિવારના ખૂબ જ નજીકના સભ્યો અને મિત્રો આ લગ્નનો ભાગ બનશે.
સિદ્ધાર્થ-કિયારાના લગ્નમાં ખાસ મહેમાનોએ હાજરી આપી
સિદ્ધાર્થ અને કિયારા તેમના નજીકના લોકોની હાજરીમાં તેમના લગ્ન જીવનની શરૂઆત કરવા માંગે છે. લગ્નમાં બંનેના પરિવાર ઉપરાંત બોલિવૂડની જાણીતી હસ્તીઓ હાજરી આપશે. જણાવી દઈએ કે સિડ-કિયારાના લગ્નમાં કરણ જોહર, મનીષ મલ્હોત્રા, શાહિદ કપૂર, મીરા રાજપૂત ખાસ મહેમાન બન્યા છે. આ સાથે જ મુકેશ અંબાણીની પુત્રી ઈશા અંબાણી જેસલમેર એરપોર્ટ પર જોવા મળી હતી. ઈશા બોલિવૂડ કપલ સિદ્ધાર્થ મલ્હોત્રા અને કિયારા અડવાણીના લગ્નમાં હાજરી આપવા પહોંચી છે.