બોલિવુડ એક્ટર સિદ્ધાર્થ મલ્હોત્રા અને કિયારા અડવાણી આજે લગ્નના બંધનમાં બંધાઈ ગયા છે. સિદ્ધાર્થ અને કિયારાના લગ્નના પ્રી-વેડિંગ ફંક્શન્સ 6 ફેબ્રુઆરીથી શરૂ થઈ ચુક્યા છે. ખબર સામે આવી રહી છે કે કપલ લગ્ન બાદ 70 કરોડના બંગલામાં શિફ્ટ થશે.
આજે સિદ્ધાર્થ-કિયારાના લગ્ન
લગ્ન બાદ 70 કરોડના બંગલામાં શિફ્ટ થશે સિદ્ધાર્થ-કિયારા
આ બંગલામાં થશે કિયારા અડવાણીનો ગૃહ પ્રવેશ
બોલિવુડ એક્ટર સિદ્ધાર્થ મલ્હોત્રા અને કિયારા અડવાણી આજે 7 ફેબ્રુઆરી 2023એ લગ્ન કરવાના છે. સિદ્ધાર્થ અને કિયારાના લગ્નના પ્રી-વેડિંગ ફંક્શન 6 ફેબ્રુઆરીથી શરૂ થઈ ચુક્યા છે. સિદ્ધાર્થ મલ્હોત્રા અને કિયારા અડવાણીની હલ્દી સેરેમની 6 જાન્યુઆરીએ બપોરે પુરી થઈ ગઈ છે.
હલ્દી સેરેમનીમાં પરિવારના લોકો સહિત નજીકના મિત્રો શામેલ થયા હતા. સાથે જ ગઈકાલ સાંજે બંન્નેના સંગીતનું પણ આયોજન કરવામાં આવ્યું હતું. સિડ-કિયારાની સંગીત સેરેમની માટે સૂર્ય ગઢ પેલેસને લાલ લાઈટોથી સજાવવામાં આવ્યો છે. આ સંગીતમાં કિયારાના ભાઈ, કરણ જોહર અને શાહિદ કપૂરે પણ પરફોર્મ કર્યું છે. સિડ અને કિયારાએ પણ તેમના સંગીત પર ખૂબ ઠુમકા લગાવ્યા છે.
સિડ-કિયારા આજે લેશે સાત ફેરા
સિદ્ધાર્થ અને કિયારા લગભગ ડોઠ વર્ષના રિલેશનમાં રહ્યા બાદ હવે એક બીજાની સાથે લગ્ન કરવાના છે. બંન્ને આજે 7 ફેબ્રુઆરીએ સાત ફેરા લેશે. સિદ્ધાર્થ અને કિયારાના લગ્નના ફોટો જોવા માટે ફેંસ આતુરતાથી રાહ જોઈ રહ્યા છે.
આ વચ્ચે ખબર સામે આવી છે કે લગ્ન બાદ સિદ્ધાર્થ અને કિયારા એક સાથે 70 કરોડની કિંમત વાળા બંગલામાં શિફ્ટ થવાના છે. સિદ્ધાર્થ- કિયારાનો આ બંગલો સી-ફેસિંગ થવાનો છે જે મુંબઈના જુહૂમાં છે. ઘણા રિપોર્ટ્સ અનુસાર લગ્ન બાદ કિયારાનું સ્વાગત આ ઘરમાં થઈ શકે છે.
લગ્નમાં શામેલ થયા બોલિવુડ સ્ટાર્સ
સિદ્ધાર્થ અને કિયારાના લગ્નમાં કરણ જોહર, મનીષ મલ્હોત્રા, શાહિદ કપૂર, મીરા રાજપૂત અને જુહી ચાવલા જેવા બોલિવુડ સ્ટાર્સ શામેલ થયા છે. ઘણા રિપોર્ટ્સ અનુસાર કરણ જોહરે કિયારા-સિદ્ધાર્થની સગાઈમાં ખૂબ ડાન્સ કર્યો છે.
શેરશાહ સ્ટાર સિદ્ધાર્થ અને કિયારા આજે જેસલમેરના સૂર્યગઢ પેલેસમાં લગ્નના બંધનમાં બંધાવાના છે. કિયારા અને સિદ્ધાર્થને જોવા માટે ફેંસ ખૂબ જ ઉત્સુક છે.