એક ફર્ટીલિટી ડૉક્ટર 94 બાળકોનો બાપ નિકળ્યો અને હજી પણ આ ગણતરી ચાલુ છે. આ ડૉકટર અહીં આવતા દર્દીઓમાં પોતાનુ સ્પર્મ નાખી દેતો હતો. જેને લઇને હવે નેટફ્લિક્સે એક ડૉક્યુમેન્ટ્રી બનાવી છે.
વિશ્વાસઘાત કરી મહિલાઓને કરી પ્રેગ્નેન્ટ
ફર્ટીલિટી ડૉક્ટર 94 બાળકોનો બાપ નિકળ્યો
ડૉકટર મહિલા દર્દીઓમાં પોતાનુ સ્પર્મ નાખતો હતો
નેટફ્લિક્સે ‘Our Father’ નામની એક ડોક્યુમેન્ટ્રી બનાવી
આ મામલો અમેરિકાના Indianapolisનો છે. અહીંના ડૉ. ડોનાલ્ડ ક્લાઈનની વાસ્તવિક સ્ટોરીથી અવગત કરાવવા માટે નેટફ્લિક્સે ‘Our Father’ નામની એક ડોક્યુમેન્ટ્રી બનાવી છે. 1970 અને 1980ના દાયકામાં આ ડૉકટર તેની હોસ્પિટલમાં આવતી મહિલા દર્દીઓને તેની જાણકારી વગર તેમાં પોતાનુ સ્પર્મ નાખી દેતો હતો. આ ક્રાઈમને પહેલી વખત તેની પુત્રી જેકોબા બેર્લાઈડે ઉજાગર કર્યો હતો. સ્પર્મ ડોનેશન દ્વારા તેનો જન્મ થયો હતો. એક દિવસ તેણે ઘર પર પોતાનો DNA ટેસ્ટ કર્યો. જેમાં તેને ખબર પડી કે આ ડૉકટરથી તેના બીજા સાત ભાઈ-બહેન છે. પરંતુ તેની માં અલગ-અલગ છે. ત્યારબાદ આ ગ્રુપ પોતાના પરિવાર ટ્રીની હકીકત જાણવા માટે કામ કરવા લાગ્યો. જેમાં તેને ખબર પડી કે તેના માતા-પિતાનો ડૉકટર મહિલા દર્દીઓમાં પોતાનુ સ્પર્મ નાખી દેતો હતો.
મારો 15 વખત બળાત્કાર થયો અને મને ખબર પણ ના પડી
ડોક્યુમેન્ટ્રીમાં જેકોબાએ આ અંગે વિસ્તૃત જણાવ્યું છે. મેટ વ્હાઈટને પણ આ જાણકારી મળી કે તે પણ ડૉકટર ક્લાઈનની બાળકી છે. તેણે કહ્યું, હું બસ મારી માતા માટે ખોટુ ફીલ કરતી હતી. મેટની માં લિજ વ્હાઈટે કહ્યું, જ્યારે મેટનો DNA ટેસ્ટ આવ્યો ત્યારે મારા મોંઢામાંથી પહેલી વાત આ નિકળી કે મારો 15 વખત બળાત્કાર થયો છે અને મને ખબર પણ ના પડી. ડૉકટર ક્લાઈન દ્વારા પોતાની સારવાર લઇને તેમણે કહ્યું કે તેઓ હંમેશા પોતાની ઓફિસમાં એકલો રહેતો હતો. આ મામલો સામે આવ્યાં બાદ ક્લાઈનને કોર્ટ લઇ જવામાં આવ્યો ત્યારે જોગવાઈ મુજબ તેણે કોઈ ક્રિમિનલ કાયદો તોડ્યો ન હતો. ત્યારબાદ તેની પાસેથી અંદાજે 40 હજાર રૂપિયાનો દંડ વસુલવામાં આવ્યો અને તેને છોડી દેવામાં આવ્યો.