માન્ચેસ્ટર ટેસ્ટના ગઈ કાલે ચોથા દિવસે થોડી વાર માટે રમતને અટકાવી દેવામાં આવી હતી. અમ્પાયર્સે બોલને સેનિટાઇઝ કર્યો ત્યાર બાદ રમત ફરી શરૂ થઈ હતી. અસલમાં વિન્ડીઝની બેટિંગ દરમિયાન ઈંગ્લેન્ડના બોલર ડોમ સિબ્લીએ બોલ ચમકાવવા માટે થૂંકનો ઉપયોગ કર્યો હતો. ત્યારબાદ તેણે ખુદે અમ્પાયરને પોતાની આ ભૂલની જાણકારી આપી હતી. બાદમાં અમ્પાયરે બોલને કેમિકલથી સેનિટાઇઝ કર્યો.
નિયમભંગ કરનાર સિબ્લી પ્રથમ ખેલાડી
સિબ્લીએ જાતે ભૂલ સ્વિકારી
ઉલ્લેખનીય છે કે, કોરોના મહામારી ફેલાયા બાદ નવા નિયમ પ્રમાણે બોલિંગ ટીમને આવું કરવા બદલ બે વાર ચેતવણી આપવામાં આવશે અને ત્યારબાદ પણ જો બોલર થૂંકનો ઉપયોગ કરે તો સજા તરીકે બોલિંગ ટીમ પર પાંચ રનની પેનલ્ટી લગાવવામાં આવશે. આ રન બેટિંગ કરી રહેલી ટીમના સ્કોરમાં ઉમેરાશે. આમ, બોલ પર થૂંક લગાવીને આઇસીસીના નિયમનું ઉલ્લંઘન કરનાર સિબ્લી દુનિયાનો પ્રથમ બોલર બની ગયો છે. નવા નિયમ પ્રમાણે બોલ ચમકાવવા માટે ફક્ત પરસેવાનો ઉપયોગ કરી શકાય છે.
બીજી ટેસ્ટ મેચના ગઈ કાલે ચોથા દિવસની રમત બંધ રહી ત્યારે ઈંગ્લેન્ડે પોતાની બીજી ઇનિંગ્સમાં બે વિકેટે 37 રન બનાવી લીધા છે. ઈંગ્લેન્ડની કુલ સરસાઈ 219 રનની થઈ ગઈ છે. બેન સ્ટોક્સ 16 અને કેપ્ટન જો રૂટ આઠ રને બેટિંગ કરી રહ્યા છે. ઈંગ્લેન્ડે પોતાની પ્રથમ ઇનિંગ્સ નવ વિકેટે 469 રને ડિકલેર કર્યા બાદ પ્રવાસી વિન્ડીઝે પ્રથમ દાવમાં 287 રનમાં ઓલઆઉટ કરી દઈને 182 રનની સરસાઈ હાંસલ કરી હતી.
વિન્ડીઝને 287 રન સુધી રોકવામાં મહત્ત્વપૂર્ણ ફાળો સ્ટુઅર્ટ બ્રોડ અને ક્રિસ વોક્સનો રહ્યો હતો. આ બંનેએ ત્રણ-ત્રણ વિકેટ ઝડપી હતી. વિન્ડીઝ જોકે ફોલોઓન બચાવવામાં સફળ રહ્યું હતું. વિન્ડીઝ તરફથી ક્રેગ બ્રેથવેટ (75), શમર બ્રૂક્સ (68) અને રોસ્ટન ચેઝ (51)એ અર્ધસદી ફટકારી હતી.