ટીવી ઈન્ડસ્ટ્રીમાં અનેક હિટ શો કરી ચૂકેલી શ્વેતા તિવારીનાં અંગત જીવનમાં ઘણાં ઉતાર-ચઢાવ ચાલી રહ્યાં છે. હાલ આ અભિનેત્રી તેના પતિ અભિનવ કોહલીથી અલગ થઈ ગઈ છે. એક ઈન્ટરન્યૂમાં હાલમાં જ અભિનવ સાથેના સેપ્રેશન વિશે વાત કરવામાં આવી તો, તેણે કહ્યું ઘરમાં તે એકલી જ કમાવનાર છે. જેથી તે ડિપ્રેસ થઈ ન શકે.
ઈન્ટરવ્યૂમાં શ્વેતાએ કહ્યું-પતિથી અલગ થયા બાદ મારી પાસે સમય નથી કે હું ચિંતા કરું અને ગમમાં ડૂબી જાઉં. અભિનેત્રીએ કહ્યું-કે ભલે જીવન ખરાબ સમયમાંથી પસાર થઈ રહ્યું છે પરંતુ તેને બધું સંભાળવું પડશે. શ્વેતાએ કહ્યું મારા પર ઘણી જવાબદારીઓ છે. મારે ઘરના લોકોનું ધ્યાન રાખવાનું છે. જેથી હું ચિંતા કે ગમમાં ડૂબી ન શકું. મારી દીકરી, દિકરો અને આખું ઘર મારે જ સાચવવાનું છે. ઘરમાં કમાવનાર માત્ર હું એક જ છું. હું જ મારા ઘરની મહિલા અને પુરૂષ બંને છું.
આવા કપરાં સમયમાં શ્વેતાની દીકરી પલક તેના પડખે ઊભી રહી છે. શ્વેતાને લઈને પલકે કહ્યું- મારી મોમ એક સ્ટ્રોન્ગ વૂમન છે. મારી મોમ જ નહીં પણ એમના જેવી ઘણી મહિલાઓને સપોર્ટની જરૂર નથી. પણ હું તેમના માટે એ બધું જ કરીશ જે મારે કરવું જોઈએ. હું આ તમામ બાબતો પર ધ્યાન આપી રહી છું. મેં બધું જ મારી આંખોથી જોયું છે. મેં ક્યારેય તેમને કંઈ ખોટું કરતાં જોયા નથી અને આવા વ્યક્તિને તમે જાતે જ સપોર્ટ કરવા લાગો છે.
શ્વેતાની પર્સનલ લાઈફની વાત કરીએ તો, તેણે પહેલાં લગ્ન ભોજપુરી એક્ટર રાજા ચૌધરી સાથે કર્યા હતા. પણ થોડાં જ વર્ષોમાં તેમના લગ્નજીવનનો અંત આવી ગયો અને બંને અલગ થઈ ગયા. પછી શ્વેતાએ ટીવી એક્ટર અભિનવ કોહલી સાથે બીજા લગ્ન કર્યા. જોકે, તેના બીજા લગ્ન પણ નિષ્ફળ ગયા.