શ્વેતા તિવારી ફિલ્મી દુનિયામાં એક મોટુ નામ છે. ફિલ્મોની સાથે સાથે તે કેટલીક ટીવી સિરીયલમાં પણ અભિનયના ઓજસ પાથરી ચૂકી છે. શ્વેતા તેની ખુબસુરતી અને અદાઓ માટે જાણીતી છે. છેલ્લા થોડા સમયથી શ્વેતા મુશ્કેલીઓમાં સપડાઇ ગઇ છે.
શ્વેતા પર લાગ્યા આ આરોપ
શ્વેતાએ મુંબઇમાં એક એક્ટિંગ સ્કુલ ખોલી હતી જેનું નામ શ્વેતા તિવારીઝ ક્રિએટીવ સ્કુલ ઓફ એક્ટિંગ હતું. રાજેશ પાંડે આ સ્કુલમાં એક્ટિંગ ટીચર હતા અને રાજેશે આરોપ લગાવ્યો છે તે શ્વેતાએ 2018 ડિસેમ્બરની સેલેરી નથી આપી અને ટીડીએસના પૈસા પણ નથી આપ્યા. શ્વેતાની સ્કુલમાં મે કામ કર્યુ અને મને દગો મળ્યો.
પતિ અભિનવનું આવ્યું રિએક્શન
રાજેશ પાંડે વિશે પૂછવા જ્યારે શ્વેતાના પતિ અભિનવને ફોન કરવામાં આવ્યો ત્યારે તેણે કહ્યું કે, હું રાજેશને પર્સનલી ઓળખુ છુ અને આ વાત સાચી છે કે શ્વેતાએ તેને 50000 રૂપિયા નથી આપ્યા. બે વર્ષથી તે શ્વેતાની સામે પૈસા માટે હાથ પગ જોડી રહ્યો છે પરંતુ શ્વેતા તેને પૈસા જ નથી આપી રહી. રાજેશ પાસે પ્રુફ છે કે તેને શ્વેતાએ પૈસા નથી આપ્યા.
અભિનવે મોકલી લીગલ નોટિસ
થોડા સમય પહેલા શ્વેતા પર તેના પતિ અભિનવ કોહલીએ આરોપ લગાવ્યો હતો કે તે તેના દિકરા સાથે મળવા દેતી નથી અને દિકરાને ગોંધી રાખ્યો છે. થોડા સમય બાદ અભિનવે શ્વેતા પર માનહાનિની લિગલ નોટિસ મોકલી હતી.