ઘર ઘરમાં પ્રેરણાના નામથી ફેમસ થયેલી શ્વેતા તિવારીનો બર્થ ડે આજે એટલે કે 4 ઓક્ટોબરના છે. શ્વેતાએ એક્ટિંગની શરૂઆત 'કલીરે' થી કરી હતી. બિહારથી આવતી શ્વેતા તિવારીએ 18 વર્ષની ઉંમરમાં જ સાઉથ ફિલ્મોના મેકર્સ રાજા ચૌધરી સાથે લગ્ન કર્યા હતા. આટલી નાની ઉંમરમાં નામ અને સિદ્ઘિ મેળવનારી શ્વેતા ખૂબ જ ટેલેન્ટેડ છે. જાણીએ તેના સાથે જોડાયેલી રસપ્રદ વાત...
'કસૌટી જિંદગી કી' ની પ્રેરણા એટલે કે શ્વેતા તિવારીની આજે છે બર્થ ડે
જાણો શ્વેતા તિવારી જિંદગીથી જોડાયેલી કેટલીક વાતો
કહેવામાં આવી રહ્યુ છે કે, શ્વેતાએ આ જગ્યાએ પહોંચવા માટે ઘણી મહેનત કરી છે. જ્યારે તે 12 વર્ષની હતી ત્યારે તેણે ટ્રાવેલ એજન્સીમાં પોતાની પહેલી જૉબ કરી હતી જ્યાં તેણે 500 રૂપિયા મહિનાના મળતા હતા, પરંતુ આજે શ્વેતા તિવારીએ ટીવી ઇન્ડસ્ટ્રીની એક જાણીતી એક્ટ્રેસમાંથી એક છે.
શ્વેતા તિવારીને ઓળખ 2001માં શરૂ થયેલી 'કસૌટી જિંદગી કી' ની સીરિયલથી મળી. આ સીરિયલમાં શ્વેતાએ પ્રેરણાનો રોલ પ્લે કર્યો. 2004માં તે પહેલી વખત બિપાશા બાસુ સ્ટારર ફિલ્મ 'મદહોશી' માં જોવા મળી. આ પછી તે 'આબરા કા ડાબરા' અને 'મિલે ન મિલે હમ' જેવી ફિલ્મોમાં જોવા મળી. શ્વેતાએ ઘણી ભોજપુરી ફિલ્મમાં કામ કર્યુ છે.
'કસૌટી જિંદગી કી' સિવાય શ્વેતા તિવારી બિગ બૉસની સિઝન 4માં જોવા મળી. શ્વેતાએ તમામ કન્ટેસ્ટન્ટને પાછળ છોડીને ટ્રોફી પોતાના નામે કરી. રિપોર્ટ્સ અનુસાર, શ્વેતા તિવારીને દર અઠવાડિયે 5 લાખ રૂપિયાની રકમ આપવામાં આવી હતી. બિગ બૉસ પછી શ્વેતાએ ઘણી રિયાલિટી શો પણ હોસ્ટ કર્યા. શ્વેતાએ ઘણી બ્રાન્ડ્સ માટે એડ પણ કરી.
શ્વેતા તિવારી પોતાની પર્સનલ લાઇફને લઇને પણ ચર્ચામાં હતી. તાજેતરમાં જ તેણે પોતાના પતિ અભિનવ કોહલી પર ઘરેલૂ હિંસાનો આરોપ લગાવતા કહ્યુ કે, અભિનવ દિકરી પલકની સાથે મારપીટ કરી અને ગેરવર્તન કર્યુ. બંનેના સંબંધો તૂટવાની તૈયારીમાં છે. શ્વેતાએ આ પહેલા પતિ રાજા ચૌધરી સાથે આજ કારણે તલાક લીધા હતા. કાયદાકીય રીતે શ્વેતા-રાજાના ડિવોર્સ 2012માં થયા હતા. શ્વેતા તિવારીને 2 બાળકો છે. શ્વેતાને પોતાના પહેલા પતિ રાજા ચૌધરીથી પલક નામની એક દિકરી છે, અભિનવથી શ્વેતાને એક દિકરો છે જેનું નામ રેયાંશ કોહલી છે.