સેમિફાઈનલમાં ન્યુઝીલેન્ડને હરાવીને ભારત અંડર-19 મહિલા ટી20 વર્લ્ડ કપ 2023ની ફાઈનલમાં પહોંચી ગયું છે.
ભારતીય મહિલા ક્રિકેટ ટીમનું શાનદાર પ્રદર્શન
અંડર-19 ટી-20 વર્લ્ડકપની ફાઈનલમાં પહોંચી
સેમિફાઈનલમાં ન્યુઝીલેન્ડને 8 વિકેટથી હરાવ્યું
શ્વેતા સેહરાવતે ફટકાર્યાં અણનમ 61 રન
ભારતીય પુરુષ અને મહિલા બન્ને ટીમ આજકાલ ઈન્ટરનેશનલ ક્રિકેટમાં પાણી દેખાડી રહી છે. એક બાજુ રોહિતની આગેવાનીવાળી પુરુષ ક્રિકેટ ટીમ ઉપરાઉપરી રેકોર્ડ કરી રહી છે તો બીજી બાજુ મહિલા ટીમ પણ પાછી પડે તેવી નથી. ભારતીય મહિલા ક્રિકેટ ટીમે પણ એક મોટો રેકોર્ડ કર્યો છે.
A dominant performance sends India through to the #U19T20WorldCup final!
ભારતીય ક્રિકેટ ટીમે અંડર-19 મહિલા ટી20 વર્લ્ડ કપ 2023ની ફાઇનલમાં જગ્યા બનાવી લીધી છે. સેમીફાઇનલ મેચમાં ટીમ ઇન્ડિયાએ ન્યૂઝીલેન્ડને 8 વિકેટે હરાવ્યું હતું. ન્યૂઝીલેન્ડની અંડર-19 મહિલા ટીમે પ્રથમ બેટિંગ કરતા 108 રનનો ટાર્ગેટ આપ્યો હતો. જેના જવાબમાં ટીમ ઈન્ડિયાએ 14.2 ઓવરમાં 2 વિકેટના નુકસાને ટાર્ગેટ હાંસલ કરી લીધો હતો. ભારત માટે શ્વેતા સેહરાવતે શાનદાર બેટિંગ કરતા 10 ચોગ્ગાની મદદથી અણનમ 61 રન બનાવ્યા હતા. ભારતીય ટીમ આઈસીસી અંડર-19 મહિલા ટી-20 વર્લ્ડ કપના ગ્રુપ ડીમાં છે. ટીમ ઈન્ડિયા પોતાના પોઈન્ટ ટેબલમાં ટોપ પર હતી. સેમીફાઈનલમાં તેનો સામનો ન્યૂઝીલેન્ડ સામે થયો હતો. ટીમ ઈન્ડિયાએ સેમીફાઈનલમાં શાનદાર પ્રદર્શન કર્યું અને 8 વિકેટથી જીત મેળવી.
U19 Womens T20 World Cup: ટીમ ઈન્ડીયાએ સેમિફાઈનલમાં ન્યુઝીલેન્ડને 8 વિકેટથી હરાવ્યું, ફાઈનલમાં બનાવ્યું સ્થાન #U19WomensT20 WorldCup pic.twitter.com/iQ7TdIdJtk
ન્યૂઝીલેન્ડે 20 ઓવરમાં 107 રન
ન્યૂઝીલેન્ડની અંડર-19 મહિલા ટીમે પ્રથમ બેટિંગ કરતા 20 ઓવરમાં 107 રન બનાવ્યા હતા. આ દરમિયાન જોર્જિયા પ્લાયમેરે ટીમ માટે સૌથી વધુ 35 રન બનાવ્યા હતા. તેણે 32 બોલનો સામનો કરતા 2 ચોગ્ગા ફટકાર્યા હતા. આ દરમિયાન ભારત તરફથી પાર્શ્વી ચોપરાએ 3 વિકેટ લીધી હતી. તેણે 4 ઓવરમાં 20 રન આપીને મેડન ઓવર કાઢી હતી. કેપ્ટન શફાલી વર્માએ ખતરનાક બોલિંગ કરી હતી, તેણે 4 ઓવરમાં માત્ર 7 રન આપીને એક વિકેટ ઝડપી હતી.
14.2 ઓવરમાં 2 વિકેટ ગુમાવીને ભારતે પૂરો કર્યો ટાર્ગેટ
ન્યૂઝીલેન્ડે આપેલા ટાર્ગેટનો પીછો કરવા ઉતરેલી ભારતીય ટીમે 14.2 ઓવરમાં 2 વિકેટના નુકસાને ટાર્ગેટ હાંસલ કરી લીધો હતો. શેફાલી અને શ્વેતા ટીમ ઇન્ડિયા માટે ઓપનિંગ કરવા આવ્યા હતા. આ દરમિયાન શફાલી 10 રન બનાવીને આઉટ થઈ ગઈ હતી. જ્યારે શ્વેતાએ શાનદાર બેટિંગ કરતા અણનમ અડધી સદી ફટકારી હતી. તેણે 45 બોલનો સામનો કરતા 10 ચોગ્ગાની મદદથી 61 રન બનાવ્યા હતા. સૌમ્યા તિવારીએ 26 બોલનો સામનો કરતા 22 રન બનાવ્યા હતા. તેણે 3 ચોગ્ગા ફટકાર્યા હતા. ત્રિશા 5 રને અણનમ રહી હતી.