શુક્રનો ઉદય થઈ ચૂક્યો છે. વિવાહ જેવા માંગલિક કાર્યો પર પાબંધી દૂર થઈ છે તો જાણો એપ્રિલથી જુલાઈ સુધીના વિવાહના શુભ મૂહૂર્ત અને દિવસને વિશે.
શુક્રનો થયો ઉદય
લગ્ન સીઝનની થઈ ફરીથી શરૂઆત
જાણો એપ્રિલથી જુલાઈ સુધીના વિવાહના શુભ મૂહૂર્ત અને તારીખ
શુક્ર ગ્રહનો ઉદય 18 એપ્રિલે રવિવારે રાતે 11.08 મિનિટે થયો હતો. શુક્રનો ઉદય મેષ રાશિમાં થયો છે. શુક્ર 16 ફેબ્રુઆરીએ મકર રાશિમાં અસ્ત થયો હતો. શુક્રના ઉદયની સાથે જ હવે વિવાહ જેવા માંગલિક કામો પરની રોક હટી છે. જે લોકો વિવાહના મૂહૂર્તની રાહ જોઈ રહ્યા છે તેમને માટે એપ્રિલથી લઈને જુલાઈ સુધીમાં કુલ 37 મૂહૂર્ત છે. 15 જુલાઈ બાદ ફરીથી આ વિવાહના કામ પર રોક લાગશે કેમકે દેવશયની એકાદશી બાદથી દેવ શયન યોગમાં જશે. તો જાણો કયા છે લગ્નના ખાસ મૂહૂર્ત અને તારીખ.
એપ્રિલમાં વિવાહ મૂહૂર્ત અને તારીખ
આ વર્ષે એપ્રિલમાં કુલ 8 શુભ મૂહૂર્ત મળી રહ્યા છે. 22-30 એપ્રિલની વચ્ચે 22, 24, 25, 26, 27, 28, 29 અને 30 તારીખ શુભ છે.
મે મહિનામાં વિવાહ મૂહૂર્ત અને તારીખ
એપ્રિલ બાદ મે મહિનામાં પણ સૌથી વધારે વિવાહ મૂહૂર્ત મળી રહ્યા છે. આ મહિનામાં 16 દિવસ લગ્ન માટે શુભ છે. તમે આ મહિને 1, 2, 7, 8, 9, 13, 14, 21, 22, 23, 24, 25, 26, 28, 29 અને 30 તારીખના વિવાહ રાખી શકો છો.
જૂન મહિનામાં વિવાહ મૂહૂર્ત અને તારીખ
મે મહિના બાદ જૂન મહિનામાં ફક્ત 8 દિવસના લગ્નના મૂહૂર્ત હોવાનું જાણવા મળી રહ્યું છે. આ દિવસે તમે 3, 4, 5, 16, 20, 22, 23 અને 24 તારીખે શુભ વિવાહ કરી શકો છો.
જુલાઈ મહિનામાં છે આ શુભ તારીખો
જૂન મહિના બાદ જુલાઈ મહિનામાં તમે ઓછા મૂહૂર્ત મેળવી શકો છો. આ મહિને તમે 1, 2, 7, 13 અને 15 તારીખે શુભ વિવાહ કરી શકો છો.
આ રીતે જોઈએ તો આ લગ્ન સીઝનમાં કુલ 37 મૂહૂર્ત મળી રહ્યા છે, જો કે કોરોનાના વધતા પ્રભાવના કારણે લગ્નને લઈને અનેક પાબંધીઓ તૈયાર કરાઈ છે. તો સૌ પહેલા દરેકે પોતાની હેલ્થનું ધ્યાન રાખવું અને પછી કાર્યક્રમનું આયોજન કરવું એ હિતાવહ છે.