ક્રિકેટ / 'સચિન સર, વિરાટ ભાઈએ જે કર્યું..' શાનદાર પ્રદર્શન બાદ શુભમન ગિલની દિગ્ગજો સાથે સરખામણી પર કહ્યું- 'હું કંઈ નથી'

• શુભમન ગિલે ટેસ્ટ, ODI અને T20 એમ ત્રણેય ફોર્મેટમાં સદી ફટકારી 
• ગિલની સરખામણી વિરાટ કોહલી અને સચિન તેંડુલકર સાથે થવા લાગી 
• સચિન-વિરાટનું યોગદાન અમર છે: શુભમન

શુભમન ગિલ માટે આ વર્ષ અત્યાર સુધી શાનદાર રહ્યું છે. ગિલના બેટે ટેસ્ટ, ODI અને T20 એમ ત્રણેય ફોર્મેટમાં અને IPL 2023માં ધૂમ મચાવી હતી. આ સિઝનમાં અત્યાર સુધીમાં 3 સદી ફટકારી છે. વિરાટ કોહલી એકમાત્ર એવો ભારતીય બેટ્સમેન છે જેણે IPLની એક સિઝનમાં 4 સદી ફટકારી છે. ગિલ IPL 2023ની ફાઈનલમાં ચેન્નાઈ સુપર કિંગ્સ સામે વિરાટનો મુકાબલો કરી શકે છે. ઓડીઆઈમાં બેવડી સદી ફટકારવા ઉપરાંત, ગિલે ટી20માં તેની પ્રથમ સદી પણ ફટકારી હતી.

આ શાનદાર પ્રદર્શનથી, શુભમન ગિલની સરખામણી વિરાટ કોહલી અને ભૂતપૂર્વ દિગ્ગજ સચિન તેંડુલકર સાથે કરવામાં આવે છે પણ શુભમન ગિલ એવું માનતા નથી. તેના મતે સચિન તેંડુલકર, વિરાટ કોહલી અને રોહિત શર્મા જેવા દિગ્ગજ ખેલાડીઓએ જે રીતે યુવા ખેલાડીઓને પ્રેરણા આપી છે.

#WATCH | "...The generation that all of these people - Sachin sir (Tendulkar) sir, Virat (Kohli) bhai, Rohit Sharma - have inspired is beyond. Had we not won the '83 World Cup, had there been a Sachin Tendulkar? No. Had we not won the 2011 World Cup, would I be as inspired?… pic.twitter.com/tY1L8eJxAD

— ANI (@ANI) May 29, 2023

સચિન-વિરાટનું યોગદાન અમર છે: શુભમન
શુભમન ગિલે સ્પાઇડરમેન ફિલ્મ સંબંધિત એક કાર્યક્રમમાં સચિન, વિરાટ સાથે સરખામણી કરતાં કહ્યું, “આ બધા લોકો - સચિન સર (તેંડુલકર), વિરાટ (કોહલી) ભાઈ, રોહિત શર્મા - જે રીતે યુવાનોને પ્રેરિત કરે છે, તેનું વર્ણન કરી શકાતું નથી. જો આપણે 1983નો વર્લ્ડ કપ ન જીત્યો હોત તો શું દુનિયાને સચિન તેંડુલકર મળ્યો હોત? કદાચ ના. જો 2011 ODI વર્લ્ડ કપ જીત્યા ન હોત તો શું હું આટલો પ્રેરિત હોત? કદાચ હા કે ના ખબર નહીં. આવો વારસો હંમેશ માટે જીવશે.”

IPL 2023ના બીજા ક્વોલિફાયરમાં રેકોર્ડબ્રેક સદી ફટકાર્યા બાદ સચિન તેંડુલકરે પણ શુભમન ગિલની પ્રશંસા કરી હતી. સચિને શુભમનના વખાણમાં એક લાંબી ટ્વીટ કરી હતી. તેણે લખ્યું, આ સિઝનમાં શુભમન ગિલનું પ્રદર્શન એવું હતું જેને ભૂલી શકાય તેમ નથી. ગિલની બે સદીની ઊંડી અસર પડી હતી. એક સદીના કારણે મુંબઈ ઈન્ડિયન્સની આશાઓ વધી ગઈ અને બીજી મુંબઈની ફાઇનલમાં પહોંચવાની આશા ખતમ થઈ ગઈ. આ ક્રિકેટનું સતત બદલાતું સ્વરૂપ છે.