ક્રિકેટ / સચિનની યાદ અપાવી દીધી યાર! ઈંગ્લેન્ડમાં પાકિસ્તાની બોલરની શુભમને કરી બરાબરની ધોલાઈ

• શુભમન ગિલની જોરદાર સિક્સ 
• એક શોર્ટના કારણે ચર્ચામાં
• પાક બોલરની શુભમને કરી ધોલાઈ

ODI ફોર્મેટમાં ટીમ ઈન્ડિયા માટે શાનદાર પ્રદર્શન કરનાર આ બેટ્સમેન હાલમાં ઈંગ્લેન્ડમાં કાઉન્ટી ક્રિકેટમાં ધૂમ મચાવી રહ્યો છે. સોમવારે શુભમન ગિલે ગ્લેમોર્ગન તરફથી રમતા શાનદાર ઇનિંગ રમી હતી અને આ દરમિયાન તેણે પાકિસ્તાની બોલર ફહીમ અશરફના બોલ પર એવો શોટ રમ્યો હતો જે હાલમાં ચર્ચાનો વિષય છે.

Shubman Gill, that is 𝗼𝘂𝘁𝗿𝗮𝗴𝗲𝗼𝘂𝘀 🤯

Glamorgan 217/3

𝗪𝗮𝘁𝗰𝗵 𝗹𝗶𝘃𝗲: https://t.co/7M8MBwgNG2#SUSvGLAM | #GoGlam pic.twitter.com/FtMX1c7cue

— Glamorgan Cricket 🏏 (@GlamCricket) September 26, 2022

91 રન બનાવ્યા 
હોવમાં રમાઈ રહેલી મેચમાં સસેક્સ સામે પ્રથમ દિવસે શુભમન ગિલે 91 રન બનાવ્યા હતા. તે રમતના અંત સુધી અણનમ રહ્યો હતો. પોતાની ઇનિંગ દરમિયાન ગિલે 11 ચોગ્ગા અને 2 છગ્ગા ફટકાર્યા હતા. બે સિક્સરમાંથી એક તેણે પાકિસ્તાની સ્વિંગ બોલર અને ઓલરાઉન્ડર ફહીમ અશરફના બોલ પર માર્યો હતો. જેનો વીડિયો સોશિયલ મીડિયા પર વાયરલ થઈ રહ્યો છે.

ગિલે તોડ્યું ફહીમ અશરફનું 'દિલ'
શુભમન ગિલ મેચમાં ત્રીજા નંબર પર બેટિંગ કરવા આવ્યો હતો. આ ખેલાડી ક્રિઝ પર આવતાની સાથે જ પાકિસ્તાની ફાસ્ટ બોલર ફહીમ અશરફે ગિલને આઉટ કરવાના ઘણા પ્રયાસો કર્યા હતા. ફહીમે બાઉન્સર ફેંકીને ગિલને ડરાવવાનો પ્રયાસ કર્યો પરંતુ ગિલની નજર બાજની જેમ બોલ પર ટકેલી હતી. આ ખેલાડીએ ફહીમના બાઉન્સરને લેટ કટ કર્યો અને સિક્સ વાગી ગઈ. ગિલે જોરથી બેટ ન હતુ ગુમાવ્યું પરંતુ માત્ર બોલને દિશા આપી હતી અને પાકિસ્તાની બોલરની હાલત બગાડી હતી.

પહેલી વખત કાઉન્ટ્રી ક્રિકેટ રમી રહ્યો છે ગિલ 
તમને જણાવી દઈએ કે શુભમન ગિલ પહેલીવાર કાઉન્ટી ક્રિકેટ રમી રહ્યો છે. ઝિમ્બાબ્વે સામેની વનડે સીરિઝ બાદ ગિલ ઈંગ્લેન્ડ તરફ વળ્યો. શાનદાર ફોર્મમાં ચાલી રહેલા ગિલે પોતાની પહેલી મેચમાં પોતાની ધાક બતાવતા હાફ સેન્ચુરી બનાવી. 

ગિલે કાઉન્ટી ચેમ્પિયનશિપમાં અત્યાર સુધી ચાર ઇનિંગ્સમાં 216 રન બનાવ્યા છે. તેમજ તેનો સ્ટ્રાઈક રેટ પણ 70થી ઉપર છે. ગિલ તેની સદીથી માત્ર 9 રન દૂર છે અને રમતના બીજા દિવસે આ ખેલાડીએ કાઉન્ટી ક્રિકેટમાં પ્રથમ સદી ફટકારી શકે છે.