IND vs SL / 21 રન બનાવીને આઉટ છતાં શુભમન ગિલે તોડ્યો કોહલીનો આ રેકોર્ડ, ઈડન ગાર્ડન્સમાં સર્જ્યું અદભુત પરાક્રમ

• ભારતે વન-ડે સીરીઝ પર 2-0 થી કબ્જે કરી લીધી છે
• મેચમાં ઓપનર શુભમન ગિલ માત્ર 21 રન બનાવીને આઉટ થયો હતો
• 17 ઇનિંગ્સમાં ભારત માટે સૌથી વધુ વનડે રન બનાવનાર ખેલાડી બની ગયો

હાલના ભારતીય ક્રિકેટ ટીમ જોરદાર ફોર્મમાં છે. ત્યારે T20 સીરીઝ 2-1 થી ભારતે કબ્જે કર્યા બાદ હવે ભારતે વન-ડે સીરીઝ પર 2-0 થી કબ્જે કરી લીધી છે. ટીમ ઈન્ડિયાએ કોલકાતાના ઈડન ગાર્ડન્સમાં જીત નોંધાવીને સીરિઝમાં 2-0ની અજેય સરસાઈ મેળવી લીધી હતી. જો કે આ મેચમાં ઓપનર શુભમન ગિલ માત્ર 21 રન બનાવીને આઉટ થયો હતો તેમ છતાં તેણે વિરાટ કોહલીનો એક ખાસ રેકોર્ડ પોતાના નામે કરી લીધો છે. 

Own lane, own pace, own race 💎💎 pic.twitter.com/pKITPvGRQ6

— Shubman Gill (@ShubmanGill) January 11, 2023

જણાવી દઈ એકે શુભમન પહેલી 17 ઇનિંગ્સમાં ભારત માટે સૌથી વધુ વનડે રન બનાવનાર ખેલાડી બની ગયો છે.  આ પહેલા ભારત માટે તેની કારકિર્દીની પહેલી 17 ODI ઇનિંગ્સમાં સૌથી વધુ રન બનાવવાનો રેકોર્ડ કોહલીના નામે હતો પણ આ મેચ પછી શુભમને એ રેકોર્ડ તોડી નાખ્યો છે. જણાવી દઈએ કે શુભમને તેની કારકિર્દીની પહેલી 17 ODI ઇનિંગ્સમાં 778 રન બનાવ્યા છે અને આ દરમિયાન ગિલે એક સદી અને 5 અડધી સદી ફટકારી હતી. આ સાથે જ તેનો શ્રેષ્ઠ ODI સ્કોર 130 રન છે. 

17 ODI ઇનિંગ્સના આ મામલે શુભમન ગિલે કોહલીને પાછળ છોડી દીધો. જણાવી દઈએ કે કોહલીએ 757 રન બનાવ્યા હતા અને અય્યરે 750 રન બનાવ્યા હતા.શુભમન ગિલે આ બંનેણે પાછળ છોડીને  17 ઇનિંગ્સમાં ભારત માટે સૌથી વધુ 778 વનડે રન બનાવનાર ખેલાડી બની ગયો છે. 

Starting on the right note 💙🇮🇳 pic.twitter.com/NQi6UYJT5r

— Shubman Gill (@ShubmanGill) January 10, 2023

ભારત અને શ્રીલંકા વચ્ચે વનડે સીરીઝની બીજી મેચ કોલકાતામાં રમાઈ હતી અને એ મેચમાં શ્રીલંકાએ ઓલઆઉટ થતાં સુધીમાં 215 રન બનાવ્યા હતા અને તેના જવાબમાં ભારતે 43.2 ઓવરમાં લક્ષ્યાંક હાંસલ કરી લીધો હતો. જણાવી દઈએ કે કેએલ રાહુલે ટીમ ઈન્ડિયા માટે શાનદાર પ્રદર્શન કર્યું હતું. જણાવી દઈએ કે કેએલ રાહુલે અણનમ અડધી સદી ફટકારી હતી, એમને 103 બોલમાં 64 રન બનાવ્યા હતા અને એ સાથે જ 6 ચોગ્ગા પણ ફટકાર્યા હતા. આ સિવાય કુલદીપ યાદવ અને મોહમ્મદ સિરાજે બોલિંગમાં શાનદાર પ્રદર્શન કર્યું હતું અને બંનેએ 3-3 વિકેટ લીધી હતી.