ગઈકાલે ગુજરાત ટાઈટન્સ અને લખનૌ સુપર જાયન્ટ્સ વચ્ચે IPLનો મુકાબલો હતો. મેચમાં શુભમન ગીલે એવો શાનદાર કેચ પકડ્યો કે તેનો વીડિયો સોશિયલ મીડિયા પર વાયરલ થઇ રહ્યો છે.
શુભમન ગિલનો શાનદાર કેચ
હવામાં ઉડીને કરી કમાલ
વીડિયો થયો વાયરલ
GT vs LSG
IPL 2022ની ચોથી મેચમાં લખનૌ સુપર જાયન્ટ્સ અને ગુજરાત ટાઈટન્સની ટીમ સામસામે આવી હતી. આ બંને ટીમની IPLમાં પહેલી મેચ હતી. આ મેચમાં હાર્દિક પંડ્યાએ ગુજરાત માટે ટોસ જીતીને પહેલા બોલિંગનો નિર્ણય લીધો હતો. આ નિર્ણય ગુજરાત ટાઈટન્સ માટે સારો સાબિત થયો હતો અને ગુજરાતે 6 ઓવરમાં જ લખનૌની 4 વિકેટ લઇ લીધી હતી. પરંતુ આ દરમિયાન શુભમન ગીલે એક એવો શાનદાર કેચ પકડ્યો, જે જોઇને ફેન્સ દંગ રહી ગયા હતા.
શુભમન ગીલે IPL ઈતિહાસનો સૌથી શાનદાર કેચ પકડ્યો હતો. લખનૌની બેટિંગ દરમિયાન, ગુજરાત માટે વરુણ ઓરોન ચોથી ઓવર લઈને આવ્યા. ત્યારે એક બોલ પર લખનૌનાં બેટ્સમેન એવિન લુઇસે હવામાં શોટ રમ્યો. ત્યારે શુભમન ગીલે બાઉન્ડ્રી પાસે એક લાંબી ડાઈવ મારીને શાનદાર કેચ પકડ્યો. આ કેચ એટલો સરસ હતો કે મેદાન બેઠેલ દરેક માણસ આ જોઈ ઉછળી પડ્યો. આ કેચનો એક વીડિયો પણ સોશિયલ મીડિયા પર વાયરલ થઇ રહ્યો છે.
શમીની કમાલ
ગુજરાતની ટીમનો પહેલા ટોસ જીતીને બોલિંગ નિર્ણય સાચો સાબિત થયો અને લખનૌનાં કેપ્ટન કેએલ રાહુલ પહેલા બોલમાં આઉટ થઇ ગયા. મોહમ્મદ શમીએ તેમને આઉટ કર્યા. ત્યાર બાદ શમીએ બીજી વિકેટ પણ લીધી. ક્વિંટન ડી કોક 7 રન બનાવીને આઉટ થયા. ત્યાર બાદ વરુણ ઓરોને એવીસ લુઇસની વિકેટ લીધી. પછી શમીએ માનીશ પાંડેને 6 રન પર બોલ્ડ કરી દીધા.
ગુજરાત ટાઈટન્સ અને લખનૌ સુપર જાયન્ટ્સ બંને ટીમની IPLમાં આ પહેલી મેચ હતી અને આ મેચમાં પહેલી વાર IPLનાં કપ્તાન રહેલા હાર્દિક પંડ્યાની ટીમ ગુજરાત ટાઈટન્સ વિજેતા રહી.