આયુષ્માન ખુરાનાની કોમેડી ફિલ્મ 'શુભ મંગલ ઝ્યાદા સાવધાન'નું ટ્રેલર રિલીઝ થઈ ગયું છે. આ ફિલ્મ 2017માં આવેલી આયુષ્માન ખુરાના તથા ભૂમિ પેડનેકરની ફિલ્મ 'શુભ મંગલ સાવધાન'ની સીક્વલ છે. આ ફિલ્મ ગે રિલેશનશિપની થીમ પર બેસ્ડ છે. હિતેશ કેવલ્યાએ આ ફિલ્મ ડિરેક્ટ કરી છે. આ ફિલ્મ 21 ફેબ્રુઆરીએ રિલીઝ થશે.
'શુભ મંગલ ઝ્યાદા સાવધાન'નું ટ્રેલર રિલીઝ
ગેના રોલમાં છવાયો આયુષ્માન
દર્શકોનો ટ્રેલરને ધમાકેદાર રિસ્પોન્સ મળી રહ્યો છે
ફિલ્મના ટ્રેલરમાં ગે કપલની મજેદાર કહાની દેખાડવામાં આવી છે. પરિવારજનો અને સમાજ તેમના સંબંધનો સ્વીકાર કરતા નથી. ફિલ્મના ડાયલોગ્સ ઘણાં જ રસપ્રદ છે. આયુષ્માન ખુરાનાને ગેના રોલમાં જોવાની મજા પડી જશે. ટ્રેલરમાં આયુષ્માન કો-સ્ટાર જિતેન્દ્ર કુમાર સાથે રોમાન્સ કરતા જોવા મળી રહ્યો છે. જિતેન્દ્રની એક્ટિંગ પણ ઘણી જ દમદાર છે. ટ્રેલરમાં બતાવ્યું છે કે કઈ રીતે એકબીજાનો પ્રેમ પામવા માટે આયુષ્માન અને જિતેન્દ્ર પરિવારજનો સામે લડે છે.
ફિલ્મનો સાઉન્ડટ્રેક પણ સારો છે. તેમાં બપ્પી દાના પોપ્યુલર સોન્ગ 'પ્યાર બિના ચેન કહાં રે'ને સામેલ કરવામાં આવ્યો છે. ફિલ્મમાં રોમાન્સ, હ્યૂમર, કોમેડી બધું જ હશે. દર્શકોને ગે કપલનો પ્રેમ અને બગાવત જોવામાં મજા આવી જશે.
પહેલી વખત ગેના રોલમાં દેખાશે આયુષ્માન
ફિલ્મના ટ્રેલરને સોશિયલ મીડિયા પર ધમાકેદાર રિસ્પોન્સ મળી રહ્યો છે. હસી, રોમાંચ અને ઈમોશન્સથી ભરપૂર આ ફિલ્મનું ટ્રેલર જોઈ દર્શકોની બેચેની વધી ગઈ છે.આ ફિલ્મમાં જિતેન્દ્ર કુમાર આયુષ્માનનો પાર્ટનર બન્યો છે. મૂવીમાં ગે લવ સ્ટોરી દેખાડી છે. આયુષ્માન પહેલી વખત આવા રોલમાં દેખાશે. ફિલ્મમાં ગજરાજ રાવ, નીના ગુપ્તા, સુનીતા રાજવાર, માનવી ગાગરુ, પંખુડી અવસ્થી, નીરજ સિંહ, મનુ ઋષિ ચઢ્ઢા પણ જોવા મળશે. ભૂમિ પેડનેકર ફિલ્મમાં કિમિયો રોલ કરતી દેખાશે.