આયુષ્માન ખુરાનાને બોલિવુડમાં શાનદાર અને અલગ પ્રકારની સ્ક્રિપ્ટ સિલેક્શન માટે ઓળખવામાં આવે છે. ફરી એક વખત આયુષ્માન નવા પ્રોજેક્ટની સાથે તૈયાર છે. આ વખતે તેની ફિલ્મનું નામ 'શુભ મંગલ જ્યાદા સાવધાન' છે. આનંદ રાયની 'શુભ મંગલ જ્યાદા સાવધાન' માં આયુષ્માન રસપ્રદ રોલ પ્લે કરી રહ્યો છે.
આયુષ્માનની અપકમિંગ ફિલ્મનો પ્રોમો રિલીઝ
ગે રિલેશનશિપમાં દેખાશે આયુષ્માન ખુરાના
સોશ્યલ મીડિયા પર આયુષ્માને શૅર કર્યો 'શુભ મંગલ જ્યાદા સાવધાન' નો પ્રોમો
આ ફિલ્મ ગે લવ સ્ટોરી પર આધારિત છે. આયુષ્માન ખુરાના આ ફિલ્મમાં પહેલી વખત ગેનું કેરેક્ટર પ્લે કરશે. એક્ટરે પોતાના ઑફિશ્યલ સોશ્યલ મીડિયા પર નવો પ્રોમો શૅર કર્યો છ, જેના કેપ્શનમાં લખ્યુ છે કે, 'જીતેગા પ્યાર સહપરિવાર!'
આ ફિલ્મમાં ગજરાજ રાવ ‘શંકર ત્રિપાઠી’ના રોલમાં અને તેમની પત્ની ‘સુનૈના ત્રિપાઠી’ના રોલમાં નીના ગુપ્તા છે. તે પરિવારની થનારી દુલ્હન ‘કુસુમ’ના રોલમાં પંખુડી અવસ્થી છે. ફિલ્મમાં પરિવારના સુપુત્ર ‘અમન ત્રિપાઠી’ના રોલમાં જીતેન્દ્ર કુમાર છે. જીતેન્દ્ર કુમાર ઘણા વેબ શોમાં જોવા મળી ચૂક્યો છે. આયુષ્માન ફિલ્મમાં ‘કાર્તિક સિંહ’ના રોલમાં છે. પરિવારમાં કાકા ‘ચમન ત્રિપાઠી’ના રોલમાં મનુરિશી ચઢા અને તેમની પત્ની ‘ચંપા ત્રિપાઠી’ના રોલમાં સુનિતા રાજવાર છે. વીડિયોના બેકગ્રાઉન્ડમાં જે કમેન્ટ્રી ચાલે છે તે મુજબ ફિલ્મમાં ‘કેશવ’ નામનું કેરેક્ટર પણ છે અને તેનું ત્રિપાઠી પરિવાર સાથે શું કનેક્શન છે તેની કોઈને જાણ નથી. ફિલ્મમાં માનવી ગગરૂ ‘કોમલ ત્રિપાઠી ઉર્ફે ગૂગલ ત્રિપાઠી’ના રોલમાં છે. નીરજ સિંહ ‘કેશવ’ના રોલમાં છે. અમન ત્રિપાઠી અને કાર્તિક સિંહને ગે તરીકે બતાવ્યા છે.
આ ફિલ્મ 2016ની હિટ ફિલ્મ 'શુભ મંગલ સાવધાન' ની સિક્વલ છે. આ રોમકોમ ફિલ્મને હિતેશ કેવલ્ય ડિરેક્ટ કરશે અને તેણે જ આ ફિલ્મ લખી છે. આ ફિલ્મને ‘કલર યેલો પ્રોડક્શન્સ’ના પ્રોડ્યૂસર આનંદ રાય અને ‘ટી સિરીઝ’ના ભૂષણ કુમાર સાથે મળીને પ્રોડ્યૂસ કરવાના છે. આ ફિલ્મ આવતા વર્ષે 13 માર્ચના રોજ રિલીઝ કરવામાં આવશે.