કોરોના મહામારી દરમિયાન દૂરદર્શન પર જૂના શોઝ રી-ટેલિકાસ્ટ કરવામાં આવ્યા હતા. જેમાં રામાયણ અને મહાભારત ફરી ટેલિકાસ્ટ થતાં આ શોઝને છપ્પરફાડ ટીઆરપી મળી હતી. ત્યારે હવે બાર્કની 22માં અઠવાડિયાની ટીઆરપી રેટિંગમાં નંબર-1 પોઝિશનને લઈને મોટો ફેરફાર જોવા મળ્યો છે. રામાનંદ સાગરના શો શ્રીકૃષ્ણાની ટીઆરપીમાં ઘટાડો જોવા મળ્યો છે અને દંગલ ચેનલ પર રી-ટેલિકાસ્ટ કરાયેલા 'બાબા એસો વર ઢૂંઢો' નંબર-1 શો બની ગયો છે. ચાલો તમને જણાવી દઈએ 22માં સપ્તાહના ટોપ-5 શોઝ વિશે.
ગયા અઠવાડિયે બીજા નંબરે રહેલો 'બાબા એસો વર ઢૂંઢો' શો આ અઠવાડિયે પહેલાં નબંર પર આવી ગયો છે. આ શોની કહાની દર્શકોને ખૂબ પસંદ આવી રહી છે અને દંગલ ચેનલ પર આ સીરિયલનું રિપીટ ટેલિકાસ્ટ બતાવવામાં આવી રહ્યું છે. ત્યારે બીજા નંબર પર રામાનંદ સાગરનો શો શ્રીકૃષ્ણા છે. ગયા અઠવાડિયે આ શો નંબર વન પોઝિશન પર હતો, પરંતુ આ અઠવાડિયે તેની ટીઆરપીમાં ઘટાડો જોવા મળ્યો છે.
ગયા અઠવાડિયાની જેમ આ વખતે પણ દંગલનો શો મહિમા શનિદેવ કી ત્રીજા સ્થાન પર જ છે. શનિદેવની મહિમાથી જોડાયેલી કહાનીઓ દર્શકોને ખૂબ પસંદ આવી રહી છે. તો સ્ટાર પ્લસ પર પ્રસારિત કરવામાં આવેલો શો મહાભારત બાર્કની લિસ્ટમાં ચોથા નંબર પર છે. ગયા અઠવાડિયે પણ આ શો ચોથા નંબર પર જ હતો. આ મહાભારત સિદ્ધાર્થ કુમાર તિવારીએ બનાવી હતી.
ગયા અઠવાડિયાની જેમ દંબલ ચેનલ પર ફરી ટેલિકાસ્ટ કરવામાં આવેલી રામાયણ આ અઠવાડિયે પણ પાંચમા નંબર પર છે. રામાનંદ સાગરની રામાયણ બાદ આ શો દર્શકોને ખૂબ જ પસંદ આવી રહ્યો છે. આમાં ગુરમીત ચૌધરીએ રામ અને દેબીના બેનર્જીએ સીતાનો રોલ પ્લે કર્યો હતો.
તો ટોપ-5 ચેનલ્સની વાત કરીએ તો દંગલ ટીવી નંબર વન ચેનલ છે. બીજા નંબર પર સ્ટાર પ્લસ, ત્રીજા નંબર પર સોની સબ, ચૌથા નંબર પર બિગ મેજિક અને પાંચમા નંબર પર સ્ટાર ઉત્સવ છે. કલર્સ ચેનલ આ લિસ્ટમાં છઠ્ઠા નંબર પર છે.