આજે પણ અહીં થાય છે રાધા-કૃષ્ણનું મિલન છૂપાયેલા છે અનકે રહસ્યો

ભગવાન વિષ્ણુના આઠમા અવતાર કૃષ્ણનો જન્મ ભારત સહિત દુનિયાભરમાં ધામધૂમ સાથે ઉજવવામાં આવે છે. આ વર્ષે જન્માષ્ટમી 3 સપ્ટેમ્બરના ઉજવવામાં આવશે. જોકે ઘણી જગ્યાએ આ તહેવા 2 સપ્ટેમ્બરે ઉજવવાની પણ વાત છે. ભગવાન શ્રીકૃષ્ણ ભલે પોતાના લૌકિક શરીરને ત્યાગીને પરધામ ચાલ્યા ગયા હયો પરંતુ ઘરતી પર ઘણી એવી જગ્યાઓ છે જ્યાં આજે પણ તેમના હોવાનો અનુભવ થાય છે. આજ કારણ છે કે તેઓ આજે પણ અલૌલિક રૂપે ધરતી પર રહે છે અને લીલાઓ કરે છે. જન્માષ્ટમી નિમિત્તે અમે તમને એક એવી જગ્યા વિશે જણાવવા જઇ રહ્યા છીએ જ્યાં આજે પણ શ્રીકૃષ્ણ ન માત્ર આવે છે ગોપીઓ સાથે રસ પણ રમે છે. 

વ્રજભૂમિ સ્થિત મથુરા કાન્હાની જન્મભૂમિ છે. અહીંના નિધિવનમાં આજે પણ શ્રીકૃષ્ણ દર રાતે આવે છે અને ગોપી સાથે રાસ રમે છે. આ જગ્યાઓ વિશે ઘણી વાતો છે જે રહસ્યમયી છે. કહેવામાં આવે છે કે અહીં આજે પણ જ્યારે કૃષ્ણ-ગોપી રસ રચાવે છે તે તેનો અવાજ સંભળાય છે. 

આ જગ્યા સવારથી સાંજ સુધી દર્શન માટે ખુલ્લી રહે છે પણ ત્યારબાદ અહીં કોઇને રોકાવવાની પરવાનગી નથી. સ્થાનિક લોકો જણાવે છે કે જેણે પણ આ રાસલીલા જોવાનો પ્રયત્ન કર્યો છે તે પાગલ થઇ ગયો છે ક્યાં તો તેનું મૃત્યુ થઇ ગયું છે અથવા એવી સ્થિતિમાં નથી રહેતા કે આ અંગે કંઇ જણાવી શકે. આ જ કારણ છે કે નિધિવનમાં બનેલા કોઇપણ મકાનમાં બારીઓ નથી. મનુષ્યની વાત તો જવા દો સૂર્યાસ્ત પછી અહીં કોઇ પશુ-પક્ષી પણ નથી રોકાતા. 

નિધિવનના વૃક્ષોમાં પણ એક વાત ખૂબ જ રોમાંચક છે જે કોઇને સમજાતી નથી. તે એ છે કે અહીંયાના વૃક્ષોની  ડાળીઓ ઉપરની તરફ વધવાની જગ્યાએ નીચેની તરફ વધે છે. આ ઉપરાંત અહીં તુલસીના દરેક છોડ જોડી સ્વરૂપ લાગેલા છે. તેની પાછળ માન્યતા છે કે જ્યારે કૃષ્ણ રાધા સાથે રાસ રચાવે છે ત્યારે આ જોડીદા છોડ ગોપીઓનું સ્વરૂપ ધારણ કરી લે છે.