ક્રિકેટ / બીજી ટી-20માં ભારતે શ્રીલંકાને 7 વિકેટથી આપ્યો પરાજય, ઘરેલુ ધરતી પર સતત સાતમી સિરિઝ જીતી

• બીજી ટી-20 મેચમાં ભારતે શ્રીલંકાને આપ્યો 7 વિકેટથી પરાજય
• ત્રણ મેચની સિરિઝમાં ભારત-2-0થી આગળ
• ઘરેલુ ઘરતી પર ટી-20 સિરિઝમાં ભારતની સતત સાતમી જીત 
•  શ્રેયર અય્યર, સંજુ સેમસની શાનદાર ઈનિંગ 

હિમાચલના ધર્મશાળામાં રમાયેલી બીજી ટી-20 મેચમાં ભારતે શ્રીલંકાને સાત વિકેટથી પરાજય આપીને સિરિઝ જીતી લીધી છે. ભારત સિરિઝમાં 2-0થી આગળ છે. પહેલા બેટિંગ કરીને શ્રીલંકાએ 20 ઓવરમાં 183 રન બનાવ્યાં હતા. 184 રનનો પીછો કરવા ઉતરેલી ટીમ ઈન્ડીયાએ 17.1 ઓવરમાં 3 વિકેટ ગુમાવીને 186 રન બનાવી લીધા. શ્રેયર અય્યરે અણનમ (74) અને રવિન્દ્ર જાડેજાએ અણનમ 45(18 બોલ) રન બનાવ્યાં હતા. સંજુ સેમસને 39 રનની પારી ખેલી હતી.

That's that from the 2nd T20I.

74* from @ShreyasIyer15, 39 from @IamSanjuSamson
and a brilliant 18-ball 45* from @imjadeja as #TeamIndia seal the T20I series.

Scorecard - https://t.co/ImBxdhXjSc #INDvSL @Paytm pic.twitter.com/ELvnJ3RrgN

— BCCI (@BCCI) February 26, 2022

ઘરેલુ ઘરતી પર સતત સાતમી સિરિઝ પર કબજો
ભારત ઘરેલુ ઘરતી પર ટી-20 ફોર્મેટમાં સતત સાતમી સિરિઝ જીતી લીધી છે. ટી-20 ઈન્ટરનેશનલમાં ભારતની આ સતત 11મી જીત છે. હવે ભારત વર્લ્ડ રેકોર્ડમાં માત્ર એક જીત મેળવી શક્યું છે. અફઘાનિસ્તાને સતત 12 ટી-20 જીતી છે. 

શ્રેયસ અને સંજુ સેમસને મચાવી ધમાલ 
શ્રીલંકાએ ભારતને 184 રનનો ટાર્ગેટ આપ્યો હતો, શરૂઆતમાં જ ટીમ ઈન્ડિયા ચોંકી ગઈ હતી. પરંતુ શ્રેયસ અય્યર અને સંજુ સેમસન વચ્ચેની પ્રથમ 84 રનની ભાગીદારી અને અંતમાં રવિન્દ્ર જાડેજાની ઝંઝાવાતી ઇનિંગ્સે મેચને એકતરફી બનાવી દીધી હતી. અંતે ભારતે 7 વિકેટે મેચ જીતી લીધી હતી, ટીમ ઇન્ડિયાએ ત્રણ ઓવર બાકી હતી ત્યારે મેચનો અંત આણ્યો હતો.
શ્રીલંકાની શાનદાર બેટિંગ, ઈન્ડિયન બોલર્સ ધોવાયા
ટોસ હાર્યા પછી પહેલા બેટિંગ કરવા ઉતરેલી શ્રીલંકાની ટીમે સારી બેટિંગ કરી હતી. બંને ઓપનર વચ્ચે 67 રનની પાર્ટનરશિપ પછી ઈન્ડિયન ટીમે કમબેક કર્યું હતું. ભારતે 76 રનની અંદર શ્રીલંકાની 3 વિકેટ પાડી દીધી હતી, પરંતુ ત્યારપછી પાથુમ નિસાંકાની શાનદાર બેટિંગે ઈન્ડિયન બોલર્સને મુશ્કેલીમાં મુક્યા હતા. તેણે 53 બોલમાં 11 ચોગ્ગાની સહાયથી 75 રન કર્યા હતા. ઉલ્લેખનીય છે કે નિસાંકાની વિકેટ પછી ઈન્ડિયન ટીમ કમબેક કરી શકે એમ હતી પરંતુ કેપ્ટન દસૂન શનાકાએ 19 બોલમાં 47 રનની ઈનિંગ રમી શ્રીલંકાને સ્કોર 183 રન સુધી પહોંચાડી દીધો હતો.