પર્સનલ લાઇફને લઇને હંમેશા ચૂપ રહેનારી શ્રેયા હંમેશા પ્રોફેશનલ લાઇફને લઇને લાઇમલાઇટમાં રહે છે. સોશ્યલ મિડીયા પર તસવીર શૅર કરીને ફેન્સને પોતાના ઘરે બાળક આવશે તેની સૂચના આપી છે. શ્રેયા ઘોષાલ અને શિલાદિત્ય મુખોપાધ્યાય પહેલી વાર માતા-પિતા બનવાના છે.
શ્રેયાએ ઇન્સ્ટા પર તસવીર શૅર કરતા કહ્યું કે બેબી શ્રેયાદિત્ય પોતાના રસ્તામાં છે. શિલાદિત્ય મુખોપાધ્યાય અને હું તમારા બધા સાથે ન્યૂઝ શૅર કરવા માટે રોમાંચિત છીએ. અમને તમારા આશીર્વાદની જરૂર છે કારણકે અમે જીવનમાં આ નવા અધ્યાય માટે તૈયાર કર્યા છે.
Ethnic maxed!! Outfit @rivaajclothing Pr agency @viralmantra Jewelry @silverpalace_jewels Styled by @stylebysaachivj assisted by @sanzimehta777 @nehha_o
શ્રેયાને બધા જ લોકો બધાઇ આપી રહ્યાં છે અને તેની તથા તેના બાળકની સારી સેહતની કામના કરી રહ્યાં છે.
શ્રેયાએ વર્ષ 2015માં શિલાદિત્ય મુખોપાધ્યાય સાથે લગ્ન કર્યા હતા. લગ્ન પહેલા કપલ 10 વર્ષ સુધી રિલેશનશીપમાં રહ્યું હતુ.ં 5 ફેબ્રુઆરી 2018ના રોજ શ્રેયાએ પોતાની લવ-સ્ટોરીનો ખુલાસો કર્યો હતો.
શ્રેયાએ 2002માં સંજય લીલી ભણસાલીની ફિલ્મ દેવદાસથી પોતાના સિંગીંગ કરિયરની શરૂઆત કરી હતી. આ ફિલ્મમાં બેરી પિયા, સિલસિલા યે ચાહત કા અને મોરે પિયા જેવા ગીતો ગાયા હતા જેને ફેન્સે ખુબ જ વખાણ્યા હતા.
તમને જણાવી દઇએ કે સિંગર હર્ષદીપ કૌરે પણ હાલમાં જ દિકરાને જન્મ આપ્યો છે અને સિંગર નીતિ મોહન પણ જલ્દી જ મમ્મી બનશે.