વડોદરા / સ્વામીનારાયણ સંપ્રદાયના આ ગ્રંથને ટાઇટેનિયમ ધાતુમાં કંડારાયો

વડોદરાના કારેલીબાગ સ્થિત સ્વામીનારાયણ મંદિર દ્વારા `શ્રીહરિ ચરિત્રામૃત સાગરગ્રંથ'ના સંરક્ષણ માટે એક એવી પદ્ધિતિ વિકસાવવામાં આવી છે. જેનાથી ગ્રંથ અનેક યુગો સુધી સંરક્ષિત રહી શકશે. 

ધર્મ અને સંસ્કૃતિના રક્ષણ માટે અનેક પ્રયાસો કરવામાં આવે છે અને  ધર્મ અને સંસ્કૃતિના રક્ષણ માટે સદ સાહિત્યનું રક્ષણ કરવું જરૂરી છે. અને આ કામ  એક યુગનું રક્ષણ કરવા બરાબર છે. આ વાત કોઈને સમજાય કે ન સમજાઈ હોય પરંતુ સ્વામિનારાયણ સંપ્રદાયના સાધુ અને સંતો સારી રીતે સમજે છે. એટલે જ તો વડોદરાના કારેલીબાગ સ્થિત સ્વામિનારાયણ મંદિર દ્વારા શ્રીહરિ ચરિત્રામૃત ગંથને ટાઈટેનિયમમાં તૈયાર કરવામાં આવ્યો છે. 

સ્વામિનારાયણ ભગવાનના જીવન પર સ્વામી આધારાનંદ દ્વારા લખવામાં આવેલા આ ગ્રંથના મૂળ શબ્દો, ભાષા, અને સાઈઝને અદ્દલ એ જ સ્વરૂપે યુગો સુધી જાળવી રાખવા માટે તેને ટાઈટેનિયમ ધાતુમાં તૈયાર કરવાની જહેમત ઉઠાવાઈ છે. ચાંદી જેવી ચમકતી ટાઈટેનિયમ પ્લેટ પર અંકિત થયેલા ઉપદેશો પૃથ્વી પર આવનારા અનેક યુગો સુધી અમર રહેશે. આ દરેક પ્લેટોને અલગ અલગ પટીઓમાં સાચવવામાં આવી રહી છે.

ટાઇટેનિયમ ધાતુથી તૈયાર કરાવામાં આવેલા આ ગ્રંથમાં ભગવાન સ્વામિનારાયણનું દૈનિકજીવન, વિચરણ, તે સમયના ઉત્ત્સવો, સમૈયા,ઉપદેશ ,સત્સંગની દ્રઢતા, સામાજિક પરિસ્થિતિ, એ  બધું આવરી લેવામાં આવ્યું છે. આ ટાઈટેનીયમ ગ્રંથનું કુલ વજન 1047 કિલો છે. આ ગ્રંથને અવિનાશી બનવાનો પ્રયાસ કરવામાં આવ્યો છે. 

ભગવાન સ્વામીનારાયણના જીવન ચરિત એવા શ્રીહરિચરિતામૃતના મૂળ ગ્રંથની વાત કરીએ તો મૂળ ગ્રન્થમાં 29 પૂર, 2409 તરંગ, 102564 દોહા અને ચોપાઈ છે. આ ગ્રંથનું દળ 12,404 પેજ છે અને આ ગ્રંથની  ઊંચઈ 4 ફૂટ  છે. તો ગ્રંથનો કુલ વજન 33કિલો અને150 ગ્રામ છે. આ ગ્રંથને વડોદરના સ્વામીનારાયણ  મંદિરે જ મશીન લાવીને ટાઈટેનિયમ ધાતુમાં રૂપાંતરિત કરવામાં આવ્યો છે.  

ટાઇટેનિયમ ધાતુમાં બનાવવામાં આવેલો આ ગ્રંથ  ધગધગતા લાવા કે ભૂકંપ જેવી આપત્તિમાં પણ અવિનાશી રહે તેવો દાવો કરવામાં આવી રહ્યો છે. આવા આશ્ચર્ય પમાડનારા  ટાઇટેનિયમગ્રંથ ની વાત કરીએ તો ટાઈટેનિમ ગ્રંથનો કુલ વજન 1047 કિલો  છે. ટાઇટેનિયમ પેટી ની સંખ્યા 34 છે. ટાઇટેનિયમ પ્લેટની સંખ્યા 6202 છે. જ્યારે ટાઇટેનિયમ પેજ ની સંખ્યા 12,404 છે. ટાઇટેનિયમ એક પ્લેટનું વજન 130 ગ્રામ છે. ટાઇટેનિયમ ધાતુની ક્ષમતા મલ્ટિ પોઇન્ટ 1,670 અંશ સેલ્સિયસ છે.   આ ગ્રંથના આલ્ફાબેટ ચાર્ટ ગુજરાતી, હિન્દી અને અંગ્રેજી  છે.. આવોમહાકાય અને અવિનાશી ટાઈટેનિયમ ગ્રન્થ બનાવવા માટે  સાડા  ત્રણવર્ષનો સમય લાગ્યો હતો.    

હિન્દી ભાષામાં અને હિન્દૂ ધર્મમાં શ્રીહરિચરિતામૃત એ પ્રથમ ગ્રંથ છે કે જે ટાઇટેનિયમમાં બન્યો હોય, આ ગ્રંથને ઇન્ડિયા બુક અને એશિયા બુક ઓફ રેકોર્ડ માં સ્થાન મળ્યું છે. આ ગ્રંથને ટાઇટેનિયમમાં કંડારવાનો વિચાર શ્રી જ્ઞાનજીવનદાસ સ્વામીને આવ્યો અને ભક્તો તેમજ સંતોએ આ વિચારને મૂર્તિ મંત કર્યો છે. આ ગ્રંથ જોતા એટલું તો ચોક્કસ કહી શકાય કે, સ્વામિનારાયણ સંતોના ઉપદેશો અનંત યુગો સુધી  પૃથ્વીવાસીઓના જીવન ઉદ્ધારણની સેવા કરતા રહેશે.