પોલીસને આપેલ નિવેદનમાં આફતાબે કહ્યું કે તે હિન્દુ છોકરીઓને જ ટાર્ગટ કરતો હતો. તેમજ શ્રદ્ધા સિવાય અન્ય 20 હિન્દુ છોકરીઓ આફતાબના સંપર્કમાં હતી.
પોલીસને આપેલ નિવેદનમાં આફતાબની કટ્ટર માનસિકતા સામે આવી
તે માત્ર હિન્દુ છોકરીઓને જ ટાર્ગેટ કરતો હતો
ર્ડાક્ટર સિવાય તેના સંપર્કમાં 20 હિન્દુ છોકરીઓ હતી
શ્રદ્ધા વાલકર હત્યાકાંડમાં આરોપી આફતાબનો અલગ અલગ દિવસે પોલીગ્રાફ ટેસ્ટ કરવામાં આવ્યો હતો. ત્યારે પોલીગ્રાફ ટેસ્ટ દરમ્યાન અનેક ચોંકાવનારી જાણકારી મળવા પામી છે. પોલીગ્રાફ ટેસ્ટ દરમ્યાન આફતાબે કહ્યું કે શ્રદ્ધાની હત્યા કરવા માટે મને કોઈ અફસોસ નથી. આ કેસમાં મને ફાંસીની સજા મળી જાય તો પણ મને કોઈ અફસોસ નથી. કેમ કે જન્નતમાં જવાથી તે હિરો બની જશે. આફતાબે કહ્યું કે શ્રદ્ધા જ નહી પરંતું એના જેવી 20 હિન્દુ છોકરીઓ સાથે સબંધ હતા.
આફતાબ માત્ર હિન્દુ છોકરીઓને જ ટાર્ગેટ કરતો હતો
મળતી માહિતી મુજબ એક પોલીસ અધિકારીએ કહ્યું કે પોલીગ્રાફ ટેસ્ટમાં અત્યાર સુધી આફતાબે એવા ચોંકાવનારા ખુલાસા કર્યા છે. જેમાં આફતાબનાં ટાર્ગેટ પર માત્ર હિન્દુ છોકરીઓ જ હતી. ત્યાં બંબલ ડેટિંગ એપના માધ્યમથી હિન્દુ છોકરીઓને સર્ચ કરતો હતો અને તેની સાથે ચેટ કરીને તેને ફસાવતો હતો. શ્રદ્ધાની હત્યા પછી આફતાબે એક સાઈકોલોજિસ્ટ મહિલા ર્ડાક્ટરને તેના ફ્લેટ પર બોલાવ્યો હતો. જે હિંદુ હતી. આ ર્ડાક્ટરને આફતાબે શ્રદ્ધાની વીંટી ગિફ્ટમાં આપી હતી. ત્યારે આ ર્ડાક્ટર સિવાય આફતાબ ઘણી બધી છોકરીઓનાં સંપર્કમાં હતો.
પોલીસને ગેરમાર્ગે દોરવાનો પ્રયત્ન કર્યો
પોલીસ અધિકારીએ વધુમાં જણાવ્યું કે આફતાબને તેના પર ખૂબ જ આત્મવિશ્વાસ છે. જ્યારે પોલીસ તેની પૂછતાછ કરતી ત્યારે તે ખૂબ જ વિચારીને શાંતિથી જવાબ આપતો હતો. જેથી એવું લાગતું હતુ કે તે સમજી- વિચારીને જવાબ આપી રહ્યો છે. શ્રદ્ધાની હત્યા કર્યા બાદ તેની લાશના ટુકડા કરવામાં પણ તેને કોઈ અફસોસ થયો ન હતો. પોલીસ રિમાન્ડ દરમ્યાન તેણે પોલીસને ગેરમાર્ગે દોરવાનો પ્રયત્ન કર્યો હતો. પરંતુ તેના ચહેરા પર કોઈ જાતનો અફસોસ ન હતો.
મુંબઈમાં જ નક્કી કર્યું હતું કે શ્રદ્ધાને દર્દનાક મોત આપશે
આફતાબને જોઈને લાગતું ન હતું કે તેણે આવી જઘન્ય ઘટનાને અંજામ આપ્યો છે. પૂછપરછ પૂરી થાય ત્યારે તે શાંતિથી સૂઈ જતો હતો. પૂછપરછ દરમિયાન તેણે પોતાના પ્લાનિંગ વિશે જણાવ્યું. આફતાબે મુંબઈમાં જ નક્કી કર્યું હતું કે તે શ્રદ્ધાને ખૂબ જ દર્દનાક મોત આપશે અને તેને મારીને તેના ટુકડા કરશે.