દેશ / 'આફતાબ પાકો રસોઈયો, માંસ સાચવતા જાણે છે', શ્રદ્ધા મર્ડર કેસમાં નવો વળાંક, પોલીસની કોર્ટમાં દલીલ

• શ્રદ્ધા મર્ડર કેસમાં દિલ્હી પોલીસે કોર્ટમાં કર્યા ખુલાસા
• આફતાબ એક ટ્રેઈન્ડ શેફ છે- પોલીસ
• બોડીનાં પાર્ટ્સને જંગલમાં ફેંક્યું- પોલીસ

શ્રદ્ધા મર્ડર કેસમાં દિલ્હી પોલીસે મંગળવારે સાકેત કોર્ટમાં જણાવ્યું કે આરોપી આફતાબ અમીન એક ટ્રેઈન્ડ શેફ છે તેથી તેને ખબર છે કે માંસને કઈરીતે સુરક્ષિત ધોરણે રાખવું જોઈએ..પોલીસે કોર્ટમાં સુનાવણી દરમિયાન કહ્યું કે આફતાબે એક ફાઈવ સ્ટાર હોટલમાં શેફ તરીકે કામ કર્યું છે. શ્રદ્ધાના મર્ડર બાદ આફતાબે સૂકાયેલા બરફ અને અગરબત્તી પણ મંગાવ્યાં હતાં.

બોડીનાં પાર્ટ્સને જંગલમાં ફેંક્યું
પોલીસે કોર્ટમાં માહિતી આપતાં જણાવ્યું કે હત્યા કર્યા બાદ આફતાબે બીજી ગર્લફ્રેન્ડ બનાવી હતી. તેને આફતાબે રીંગ પણ આપી હતી. કોર્ટમાં સરકારી વકીલ અમિત પ્રસાદ દિલ્હી પોલીસનાં પક્ષમાં રહ્યાં છે. તેમણે કોર્ટને માહિતી આપી કે આફતાબે કઈ રીતે પોતાની લીવ ઈન પાર્ટનરની હત્યા કરી અને પછી તેની બોડીનાં પાર્ટ્સને જંગલમાં ફેંક્યું.

It’s terrible seeing this heart and gut wrenching letter written by Shraddha walker ! Why did Maharashtra police ignore this ? @maharashtra_hmo pic.twitter.com/v2m4ZHWva1

— Karuna Gopal Vartakavi (@KarunaGopal1) November 23, 2022

6629 પેજની ચાર્જશીટ દાખલ 
12 નવેમ્બરનાં આફતાબની ધરપકડ કરવામાં આવી હતી. આફતાબ પર આરોપ છે કે તેણે મે 2022માં પોતાની લિવ ઈન પાર્ટનર શ્રદ્ધા વૉકરનું ગળું દાબીને હત્યા કરી હતી. આ બાદ તેના શરીરનાં 35 ટૂકડાઓ કરીને તેને ફ્રીઝમાં રાખી દીધાં હતાં. 24 જાન્યુઆરીનાં રોજ પોલીસે આ મામલામાં આફતાબની સામે 6629 પેજની ચાર્જશીટ દાખલ કરી હતી.

150થી વધારે સાક્ષીઓનું નિવેદન 
તપાસ દરમિયાન દિલ્હી પોલીસે આફતાબનો નાર્કો અને પોલીગ્રાફ ટેસ્ટ પણ કર્યો હતો જેમાં તેણે શ્રદ્ધાની હત્યા કર્યાની વાત સ્વીકારી હતી. મામલામાં પોલીસે 150થી વધારે સાક્ષીઓનું નિવેદન પણ મેળવ્યું હતું એટલું જ નહીં પોલીસે આફતાબનો વોઈસ સેમ્પલ પણ રેકોર્ડ કર્યો હતો.