નિક્કી યાદવ મર્ડર કેસ  / દિલ્હીમાં ફરી શ્રદ્ધા હત્યાકાંડ જેવી ઘટના: પહેલાં મર્ડર, પછી લાશને ફ્રિઝમાં છુપાવી કરી લીધા બીજા લગ્ન

• દિલ્હીમાં ફરી શ્રદ્ધા હત્યાકાંડ જેવી ઘટના, યુવતીનું મર્ડર
• હત્યા કરી યુવતીની લાશ ફ્રિઝમાં સંતાડી બીજા લગ્ન પણ કરી દીધા 
• યુવકે મોબાઈલ કેબલનો ઉપયોગ કરી યુવતીની ગળું દબાવીને હત્યા કરી  

રાજધાની દિલ્હીના બાબા હરિદાસ નગર વિસ્તારમાં નિક્કી યાદવની નિર્દયતાથી હત્યા કરવામાં આવતા હડકંપ મચી ગયો છે. આ તરફ યુવતીના પ્રેમીએ તેની લાશને ઢાબાના ફ્રીજમાં સંતાડીને રાખવામાં આવી હતી. જ્યારે પોલીસે તપાસ શરૂ કરી તો જાણવા મળ્યું કે, આરોપી બોયફ્રેન્ડે તેના લિવ-ઈન પાર્ટનરની નિર્દયતાથી હત્યા કરી હતી. પહેલા મોબાઈલ કેબલનો ઉપયોગ કરીને ગળું દબાવીને હત્યા કરી અને પછી લાશનો નિકાલ કર્યો. હવે આ આરોપીએ ન માત્ર હત્યા કરી પરંતુ અન્ય એક યુવતી સાથે સાત ફેરા પણ લીધા હોવાનું સામે આવતા ચકચાર મચી ગઈ છે. 

બોયબ્રેન્ડનું કાવતરું કેવી રીતે ખુલ્લુ પડ્યું ? 
પોલીસના જણાવ્યા અનુસાર સાહિલ ગેહલોતે 10 ફેબ્રુઆરીએ નિક્કીની હત્યા કરી હતી. વાત જાણે એમ છે કે, નિક્કીને ખબર પડી કે તેનો બોયફ્રેન્ડ સાહિલ બીજી છોકરી સાથે લગ્ન કરવા જઈ રહ્યો છે. જે બાદમાં બંને વચ્ચે ઝઘડો શરૂ થયો. તે દલીલને કારણે સાહિલ ગેહલોત ગુસ્સામાં આવી ગયો હતો અને તેણે મોબાઈલના કેબલ વડે નિકીની ગળું દબાવીને હત્યા કરી હતી. સાહિલે કારમાં જ આ સમગ્ર ઘટનાને અંજામ આપ્યો હતો.

કલાકો સુધી મૃતદેહ સાથે કારમાં ફરતો રહ્યો સાહિલ ગેહલોત
હત્યાને અંજામ આપ્યા બાદ પણ ઘણા કલાકો સુધી સાહિલ ગેહલોત મૃતદેહ સાથે કારમાં ફરતો રહ્યો અને પછી બાબા હરિદાસ પોલીસ સ્ટેશન પાસેના ઢાબામાં એક ફ્રીઝમાં સંતાળી દીધી હતી. એક તરફ નિકીની હત્યાને થોડા કલાકો જ થયા હતા ત્યાં બીજી તરફ સાહિલ તેના લગ્નની તૈયારી કરવા લાગ્યો હતો. તેના પરિવારના સભ્યોને પહેલેથી જ એક છોકરી પસંદ હતી. પછી લગ્ન પણ એ જ દિવસે થઈ ગયા.

Body of a woman from Uttam Nagar found in a freezer at a dhaba located on the outskirts of Mitraon village, Najafgarh. Accused Sahil Gahlot apprehended. Further investigation underway: Delhi Police

— ANI (@ANI) February 14, 2023

એક ચોક્કસ માહિતી અને પકડાયો હત્યારો 
સમગ્ર મામલે એડીસી વિક્રમ સિંહે જણાવ્યું કે, તેમને મંગળવારે સવારે માહિતી મળી હતી કે, એક યુવતીની હત્યા કર્યા બાદ તેની લાશને ઢાબામાં સંતાડી દેવામાં આવી છે. પોલીસે ઘટનાસ્થળે પહોંચી લાશને કબજે કરી હતી. તપાસ બાદ આરોપી સાહિલ ગેહલોતની ધરપકડ કરવામાં આવી છે. હાલ આગળની કાયદેસરની કાર્યવાહી હાથ ધરવામાં આવી છે. પોલીસે તેમના નિવેદનમાં એવો પણ ખુલાસો કર્યો છે કે, આરોપીઓએ મોબાઈલના કેબલ વડે નિકીની ગળું દબાવી હત્યા કરી હતી.જે ઢાબામાં નિક્કીનો મૃતદેહ રાખવામાં આવ્યો હતો, તે પણ સાહિલ ગેહલોતનો હતો. એટલે કે આરોપીએ પહેલાથી જ વિચારી લીધું હતું કે હત્યા કર્યા બાદ લાશ ક્યાં મૂકશે.

Nikki Yadav murder case | Delhi Police Crime Branch has recovered the car inside which Sahil Gehlot allegedly murdered Nikki Yadav and also used it to transport her body to his dhaba, say police. pic.twitter.com/uCoj1Rfo5L

— ANI (@ANI) February 15, 2023

પોલીસના સૂત્રો મજબૂત હોઇ પકડાયો સાહિલ ગેહલોત
સાહિલે જે રીતે આ ઘટનાને અંજામ આપ્યો છે, તેને કોઈ આશા નહોતી કે પોલીસને આ મામલે કોઈ સબૂત મળશે. તેણે પોતાનો ફોન પણ સ્વીચ ઓફ કરી દીધો હતો. પરંતુ પોલીસના પોતાના સૂત્રો ખૂબ જ મજબૂત હતા. તેને ઇન્ટેલિજન્સ ઇનપુટ મળ્યો હતો કે, સાહિલ ગેહલોતે દિલ્હીમાં તેની ગર્લફ્રેન્ડની હત્યા કરી છે. આ ઇનપુટના આધારે એક ટીમ બનાવવામાં આવી અને તે સાહિલનું ઘર જ્યાં હતું તે ગામમાં પહોંચી. ફોન બંધ રહ્યો, આવી સ્થિતિમાં આરોપીઓને શોધવામાં ઘણી મુશ્કેલીઓનો સામનો કરવો પડ્યો. જ્યારે પોલીસ તેના ઘરે પહોંચી ત્યારે તે ત્યાં મળી આવ્યો ન હતો અને શોધનો વ્યાપ વધુ વધારવો પડ્યો હતો. બાદમાં પોલીસે સાહિલની દિલ્હીના Mitraon ગામમાંથી ધરપકડ કરી હતી.

સાહિલ-નિકીની લવ સ્ટોરી અને હત્યાનો ઘટનાક્રમ
આરોપીની પૂછપરછ દરમિયાન પોલીસને બીજા લગ્ન વિશે તો ખબર પડી પણ નિક્કી અને સાહિલ ઘણા સમયથી લિવ-ઈનમાં રહેતો હોવાનું પણ સામે આવ્યું હતું. ખરેખર નિક્કી અને સાહિલ બંને એકબીજાને ઘણા વર્ષોથી ઓળખતા હતા. આરોપીએ જણાવ્યું કે. જ્યારે તે SSC ની પરીક્ષા માટે ઉત્તમ નગરના કોચિંગ સેન્ટરમાં જતો હતો. ત્યારબાદ નિક્કી પણ આકાશ ઈન્સ્ટીટ્યુટમાં અભ્યાસ કરતી હતી. ત્યારબાદ નિક્કી પણ આકાશ ઈન્સ્ટીટ્યુટમાં અભ્યાસ કરતી હતી. બંને એક જ બસમાં મુસાફરી કરતા હતા, આવી રીતે પહેલા મિત્રતા થઈ અને પછી પ્રેમ થયો.

2018થી બંને લિવ-ઈનમાં રહેવા લાગ્યા આરોપીએ તેના પરિવારને આ વિશે કશું કહ્યું નહીં. બંને ઘણી જગ્યાએ સાથે ફરવા ગયા હતા, બધું બરાબર ચાલી રહ્યું હતું. પરંતુ લગ્નના આ રહસ્યે સંબંધોમાં તિરાડ પાડી અને નિક્કીની નિર્દયતાથી હત્યા કરવામાં આવી. હાલ તો પોલીસ આ મામલે વધુ લોકોની પૂછપરછ કરી રહી છે. શરૂઆતમાં આરોપીએ ગેરમાર્ગે દોરવાનું કામ પણ કર્યું હોવાથી તેની પાસેથી અનેક સવાલો ઉઠી રહ્યા છે.

શ્રદ્ધા મર્ડર કેસ અને નિક્કી મર્ડર કેસમાં શું સમાનતા ?
નિક્કી મર્ડર કેસ કેટલાક પાસાઓમાં શ્રદ્ધા હત્યા કેસ જેવો જ લાગે છે. હકીકતમાં શ્રદ્ધા અને આફતાબ પણ લિવ-ઈનમાં રહેતા હતા. એક તરફ હત્યા કર્યા બાદ આફતાબ તેની બીજી ગર્લફ્રેન્ડને ફ્લેટમાં લઈ આવ્યો હતો જ્યાં શ્રદ્ધાનો મૃતદેહ પહેલેથી જ હાજર હતો, તે જ રીતે નિક્કી કેસના આરોપી સાહિલે પહેલા હત્યા કરી અને પછી તે દિવસે અન્ય યુવતી સાથે  લગ્ન કર્યા. કેસમાં હત્યાનું કારણ પણ ચર્ચાસ્પદ હતું. એક તરફ શ્રદ્ધા આફતાબ પર લગ્ન કરવા માટે દબાણ કરી રહી હતી તો બીજી તરફ નિક્કી સાહિલના વિશ્વાસઘાતથી નારાજ હતી.