કાર્યવાહી / શોવિક અને સેમ્યુઅલ મિરાન્ડાના રિમાન્ડ મંજૂર, આવી રીતે NCB કરશે પૂછપરછ

• શૌવિક અને સેમ્યુઅલ મિરાન્ડાના રિમાન્ડ મંજૂર
• 9 સપ્ટેમ્બર સુધી કસ્ટડીમાં મોકલાયા
• ગુગલ પે દ્વારા ડ્રગ્સના પૈસાની કરાતી હતી ચુકવણી 

ઉલ્લેખનીય છે કે, આ અગાઉ બંનેને આજે સવારે નાર્કોટિક્સ કંટ્રોલ બ્યુરો દ્વારા મુંબઈની કોર્ટમાં રજૂ કરવામાં આવ્યા હતા. એનસીબી દ્વારા આ બંનેની પાંચ દિવસની કસ્ટડીની માંગ કરવામાં આવી હતી. જેને કોર્ટે સ્વીકારી લીધી છે. એનસીબી દ્વારા આરોપી ડ્રગ વેપારી કૈઝાન ઇબ્રાહિમને પણ બંનેની 5 દિવસની કસ્ટડી સાથે કોર્ટમાં રજૂ કરવામાં આવ્યા હતા.

Mumbai's Esplanade Court sends Showik Chakraborty and Samuel Miranda to NCB custody till 9th September https://t.co/Jkkwv1QIFa

— ANI (@ANI) September 5, 2020

ગુગલ પે દ્વારા ડ્રગ્સના પૈસાની કરાતી હતી ચુકવણી 

ઇબ્રાહિમની પણ આ કેસ મામલે પૂછપરછ કરવામાં આવી રહી છે. એનસીબીના સૂત્રોના જણાવ્યા પ્રમાણે શૌવિક અને મિરાન્ડા ઇબ્રાહિમ અને જૈદથી અબ્દુલ બાસિત મારફતે ડ્રગ્સ લેતા હતા. જૈદ અને બાસિત બંન્ને એનસીબીની કસ્ટડીમાં છે. સૂત્રો દ્વારા પ્રાપ્ત થયેલી જાણકારી પ્રમાણે આ ડ્રગ્સની કિંમત ગુગલ પે દ્વારા ચુકવવામાં આવી હતી. 

નાર્કોટિક્સ કંટ્રોલ બ્યુરો (NCB) ની ટીમે અભિનેતા સુશાંતસિંહ રાજપૂતના આત્મહત્યા કેસમાં ડ્રગના કનેક્શન મામલે અભિનેત્રી રિયા ચક્રવર્તીના ભાઈ શૌવિક અને સેમ્યુઅલ મિરાન્ડાની ધરપકડ કરી છે.

રિયા ચક્રવર્તીના ભાઈ શૌવિક અને સેમ્યુઅલ મિરાન્ડાની ધરપકડ

પ્રાપ્ત થતી જાણકારી પ્રમાણે, શુક્રવારે NCBએ સુશાંતની ગર્લફ્રેન્ડ રિયાના ભાઈ શૌવિક અને દિવંગત અભિનેતાના ઘરના મેનેજર સેમ્યુઅલ મિરાન્ડાના ઘરે દરોડા પાડ્યા હતા. ત્યારબાદ તેની અટકાયત કરીને પૂછપરછ કરવામાં આવી હતી. બીજી તરફ સીબીઆઈએ સુશાંતના મિત્ર અને ડોક્ટરની પણ પૂછપરછ કરી હતી.

ડ્રગ્સ મામલે કરાઇ ધરપકડ

ડ્રગ કેસમાં ઝડપાયેલા રિયા ચક્રવર્તીનો ભાઈ શોવિક ચક્રવર્તી અને સેમ્યુઅલ મિરાન્દાની એનસીબી દ્વારા ધરપકડ કરવામાં આવી છે. શોવિક ચક્રવર્તી અને સેમ્યુઅલ મિરાન્ડાની છેલ્લા ઘણા કલાકોથી NCBની ટીમ દ્વારા પૂછપરછ કરવામાં આવી હતી.