ડ્રગ કેસમાં રિયા ચક્રવર્તીને જામીન મળી ગયા છે, પરંતુ તેના ભાઈ શૌવિક હજી સુધી ન્યાયિક કસ્ટડીમાં છે. હાઈકોર્ટે શૌવિકની જામીન અરજી ફગાવી દીધી છે. કોર્ટનું કહેવું છે કે શૌવિક ડ્રગ ડીલર્સ સાથે ડાયરેક્ટ કોન્ટેક્ટમાં હતો.
રિયા ચક્રવર્તીને 28 દિવસ બાદ 28 ઓક્ટોબરના રોજ બોમ્બે હાઈકોર્ટમાંથી જામીન મળી ગયા. જ્યારે તેના ભાઈની મુશ્કેલીઓ હજી ઓછી થઈ નથી. કોર્ટે સ્વીકાર્યું કે શૌવિક ડ્રગ્સ ડીલર્સ સાથે ડાયરેક્ટ સંપર્કમાં હતો અને લેણદેણમાં પણ સામેલ હતો. હાઈકોર્ટે કહ્યું કે, આ સ્ટેજ પર એનસીબી પાસે બતાવવા માટે પૂરતું મટિરિયલ છે કે તે ગેરકાયદેસર સ્મગલિંગ કરનારા ડ્રગ ડીલર્સની સાથે મળીને કામ કરતો હતો. જસ્ટિસ સારંગ કોટવાલે કહ્યું કે, ડ્રગ ડીલર્સની ચેનમાં શૌવિક એક મહત્વપૂર્ણ કડી છે. જ્યારે રિયા પર આવા કોઈ આક્ષેપો સાબિત થયા ન હતા.
શૌવિકના ખાતામાંથી 'વીડ' ખરીદવા માટે પૈસાની લેવડદેવડ થઈ હતી. હાઈકોર્ટે કહ્યું કે, તે એક પાર્ટી પાસેથી ડ્રગ્સ ખરીદીને સુશાંતને સપ્લાય કરતો હતો. તે ડ્રગ્સના ગેરકાયદેસર વેપારમાં સામેલ હતો. શૌવિક પર આરોપ છે કે તે ડ્રગ પેડલર અનુજ કેશવાણી અને પરિહાર સાથે સંકળાયેલો છે અને એટલે જ તેની જામીન અરજી પણ ફગાવી દેવામાં આવી છે.