ગુજરાત વિધાનસભાની ચૂંટણીના નગારે ઘા વાગી ગયા છે. ઉમેદાવરોની જાહેરાત થતાં ભાજપ, કોંગ્રેસ અને આમ આદમી પાર્ટી મક્કમતાથી ચૂંટણી પ્રચાર શરૂ કરી દીધો છે. જાહેર થયેલા ઉમેદવારોએ પોતાના ઉમેદવારી પત્રો ભરવાના શરૂ કરી દીધા છે. આ બધાની વચ્ચે રાજકીય માહોલ હિડોળે ચડ્યો છે. વિધાનસભાની ચૂંટણી જીત માટે રાજકીય પક્ષો જીત હાંસલ કરવા માટે કામે લાગી ગઈ છે. આ માહોલ વચ્ચે સુરતની કેટલીક બેઠકો પર ભાજપના ઉમેદવારોએ શક્તિપ્રદર્શન પણ કર્યું છે
સુરતના મજુરા વિધાનસભા બેઠકના ભાજપના ઉમેદવાર હર્ષ સંઘવીનું શક્તિપ્રદર્શન યોજાયું હતું. હર્ષ સંઘવી ઉમેદવારી ફોર્મ ભર્યું છે. હર્ષ સંઘવી સાથે મોટી સંખ્યામાં કાર્યકરો જોડાયા હતા. તેમણે જણાવ્યું હતું કે, હું મજુરા વિસ્તારનો દીકરો છું અને મેં મજુરા વિસ્તારના લોકોની સેવા કરી છે તેમણે કહ્યું કે, જંગી બહુમતથી જીતીશ અને તમારા આશીર્વાદ વગર જીત શક્ય નથી
સુરતના મજુરા વિધાનસભા બેઠકના ભાજપના ઉમેદવાર હર્ષ સંઘવીનું શક્તિપ્રદર્શન યોજાયું હતું.
સુરતના વરાછા બેઠક પરથી કુમાર કાનાણીએ ફોર્મ ભર્યુ છે. કુમાર કાનાણીએ જંગી રેલી યોજીને કર્યું શક્તિપ્રદર્શન કર્યું હતું. રેલીમાં 20 હજારથી વધુ લોકો જોડાયા હતાં. કુમાર કાનાનીનું કહ્યું હતું કે, આજે ઉમેદવારી કરી અને લોકોએ સમર્થન આપ્યું છે.
પ્રફુલ પાનસેરિયા (કામરેજ બેઠક-ભાજપના ઉમેદવાર)
સુરતના કામરેજ વિધાનસભા બેઠકના ઉમેદવાર પ્રફુલ પાનસેરિયાનું શક્તિપ્રદર્શન યોજાયું હતું. પ્રફુલ પાનસેરીયાએ આજે ફોર્મ ભર્યુ છે. મોટી સંખ્યામાં ભાજપના કાર્યકરો હાજર રહ્યા હતા. પાનસેરીયા કહ્યું હતું કે, ગુજરાતની સૌથી મોટી કામરેજ વિધાનસભા છે.
પ્રવીણ ઘોઘારી (કારંજ બેઠક-ભાજપના ઉમેદવાર)
સુરતના ઘોઘારી બેઠકના ભાજપે પ્રવીણ ઘોઘારીને ટિકિટ ફાળવી છે. જેમનું આજે શક્તિપ્રદર્શન યોજાયું હતું. પ્રવીણ ઘોઘારી કહ્યું હતું કે, કરંજ બેઠક ઉપર ભાજપનો ભવ્ય વિજય થશે અને કરંજમાં AAPની કોઈ અસર દેખાશે નહીં તેમણે કહ્યું કે, મેં ગત ટર્મમાં લોકોની વચ્ચે રહીને કામ કર્યું છે