POLL: શું હાર્દિક પટેલે લોકસભા ચૂંટણી લડવી જોઈએ? આપો તમારો મત

લોકસભા ચૂંટણીને બસ ગણતરીના દિવસો બાકી છે ત્યારે ગુજરાત સહિત સમગ્ર દેશમાં ચૂંટણીનો માહોલ જામ્યો છે રાજકારણ ગરમાયું છે. જો કે આ ચૂંટણીમાં સૌથી વધુ લોકોની ચર્ચાનો વિષય અને ઉત્સુકતા હોય તો સ્ટાર ઉમેદવારો કઈ સીટ પરથી ચૂંટણી લડશે તે હોય છે. પીએમ મોદી અને રાહુલ ગાંધી કઈ સીટ ચૂંટણી માટે સિલેક્ટ કરશે તેની ચર્ચા લોકો કરી રહ્યાં છે ત્યારે હાર્દિક પટેલે ચૂંટણી લડવાનો આડકતરો ઇશારો બતાવીને આ માહોલને વધુ ચર્ચાસ્પદ બનાવી દીધો છે. 

પહેલાં પાટીદાર અનામત આંદોલન ત્યાર બાદ ખેડૂતોના હકો અને યુવાનોને રોજગારીને મુદ્દે રાજકારણમાં હાર્દિક પટેલ એન્ટ્રી મેળવવા માંગે છે ત્યારે શું તમારા મતે હાર્દિક પટેલે આગામી લોકસભા ચૂંટણી લડવી જોઈએ? અને ચૂંટણી લડીને તે ખેડૂતોની અને યુવાઓની સમસ્યાઓનો પ્રશ્ન હલ કરી શકશે? તમે પણ નીચે તમારો મત આપી શકો છો. 
 

CLICK HERE
 

ઉલ્લેખનીય છે કે હાર્દિક પટેલ લોકસભા ચૂંટણી લડશે તેવી વાતોએ વેગ પકડ્યો છે. આવામાં આ વાતોની વચ્ચે ખુદ હાર્દિક પટેલે આખરે પોતાના ફેસબુક પેજ પર લોકોને સવાલ પૂછ્યો હતો કે મારે ચૂંટણી લડવી જોઈએ કે નહીં. 

જો કે હાર્દિકે પોતે ખેડૂતોના હક અને યુવાનોને રોજગારી અપાવવા માટે મારે ચૂંટણી લડવી જોઈએ તેવો સવાલ કરીને લોકોનો મત જાણવાની કોશિશ કરી હતી. જેમાં 33 ટકા લોકોનો જવાબ ના હતો જ્યારે 67 ટકા લોકોએ હા પાડી હતી.