લગ્નને સાત જન્મનુ બંધન માનવામાં આવે છે, પરંતુ ઘણી વખત આ બંધન એટલું જલ્દી તૂટી જાય છે કે દરેક વ્યક્તિ હેરાન રહી જાય છે. આવો એક મામલો સંયુક્ત આરબ અમીરાતમાં સામે આવ્યો છે. અહીં લગ્નના એક દિવસ બાદ પતિ-પત્નીએ છૂટાછેડા લઇ લીધા. આ સાથે આ લગ્ન યુએઈના સૌથી ઓછી મુદ્દતના લગ્ન તરીકે નોંધાયા છે.
બાપ રે બાપ ! લગ્નના એક દિવસ બાદ પતિ-પત્નીએ છૂટાછેડા લઇ લીધા
આ લગ્ન યુએઈના સૌથી ઓછી મુદ્દતના લગ્ન તરીકે નોંધાયા
સૌથી ટૂંકા લગ્ન એક દિવસના અને સૌથી લાંબા લગ્ન 47 વર્ષના હતા
ગયા વર્ષે છૂટાછેડાના 648 કેસ નોંધાયા
એક રિપોર્ટ મુજબ, યુએઈના ન્યાય મંત્રાલયે ગયા વર્ષે છૂટાછેડા લઇને આંકડા જાહેર કર્યા છે. આ આંકડા મુજબ, 2021માં UAEમાં છૂટાછેડાના 648 કેસ નોંધાયા છે. જેમાં સૌથી ટૂંકા લગ્ન એક દિવસના હતા અને સૌથી લાંબા લગ્ન 47 વર્ષના. જો કે, 47 વર્ષ લગ્નમાં રહ્યાં બાદ અલગ થનારું દંપત્તિ યુએઈનું મૂળ નિવાસી ન હતુ. આંકડા પરથી જાણવા મળ્યું છે કે છૂટાછેડાના 311 કેસ યુએઈ દંપત્તિના હતા. જ્યારે 194 કેસ વિદેશીઓ સાથે જોડાયા હતા. જ્યારે પંદર છૂટાછેડાના કેસ યુએઈની મહિલા નાગરિક અને વિદેશી નાગરિક વચ્ચેના હતા. ફેડરલ કોર્ટે શારજાહ, ઉમ્મ અલ ક્વૈન, અજમાન અને ફુજેરાહ અમીરાત શહેરોમાં આ છૂટાછેડાને રજીસ્ટર કરાયા છે. ન્યાય મંત્રાલયે જણાવ્યું કે 2021માં આ શહેરોમાં રજીસ્ટર્ડ લગ્નની કુલ સંખ્યા 4542 હતી.
આજકાલ છૂટાછેડા સામાન્ય થઇ ગયા
મંત્રાલયના અધિકારીઓએ જણાવ્યું કે તેમાંથી કેટલાંક લગ્ન એક દિવસથી લઇને 15 દિવસ સુધી ચાલ્યા. કારણકે દંપત્તિએ અલગ-અલગ કારણથી છૂટાછેડાની અરજી આપી હતી. તો અમુક દંપત્તિઓએ લગ્નના 30 અને 47 વર્ષો બાદ છૂટાછેડા લેવાનો નિર્ણય કર્યો. ઉલ્લેખનીય છે કે, આજકાલ છૂટાછેડા સામાન્ય થઇ ગયા છે. ઘણી વખત દંપત્તિ એકબીજાને સમજવાની તક આપવાના બદલે અલગ થવુ વધારે પસંદ કરે છે.