વાસ્તુ ટીપ્સ / પડી રહી છે રૂપિયાની તંગી.! વાસ્તુના આ 7 ઉપાય બદલી નાખશે તમારી કિસ્મત, સુર્યની જેમ ચમકી ઊઠશો

• વાસ્તુશાસ્ત્ર અનુસાર આ દિશામાં હોવું જોઈએ રસોડું.
• જીવનના ગ્રહણને દૂર કરવા માટે કરો આ વાસ્તુ ઉપાય.
• સુખ અને સમૃદ્ધિ ઘરમાં પ્રવેશ કરી શકે તે માટે આ દિશામાં હોવો જોઈએ દરવાજો.

જીવનમાં દરેક વ્યક્તિ સુખી જીવન જીવવાની ઈચ્છા રાખે છે. આ સપનાને પૂરું કરવા માટે મહેનત પણ કરે છે. કોઈનું સપનું જલ્દી પૂરું થાય છે, તો કોઈનું મોડું પૂરું થાય છે તો કેટલીક એવી વ્યક્તિ પણ હોય છે કે, જેની પાસે તમામ સુખ સુવિધા હોવા છતાં તે સુવિધાનો ઉપયોગ કરી શકતી નથી. જો તમારા જીવનમાં અચાનકથી ગ્રહણ લાગી ગયું છે, તો તે ગ્રહણ દૂર કરવા માટે અહીંયા જણાવેલ ઉપાય કરવાથી તે કારગર સાબિત થઈ શકે છે. 

આ દિશાનું ખાસ ધ્યાન રાખો

 વાસ્તુશાસ્ત્ર અનુસાર જે વ્યક્તિ સુખ અને સમૃદ્ધિ મેળવવા માંગે છે, તેમણે ઘરની ઉત્તર પૂર્વ દિશા એટલે કે, ઈશાન કોણનું ખાસ ધ્યાન રાખવું જોઈએ. આ દિશાને ઈશ્વરની પૂજા માટે ખૂબ જ શુભ માનવામાં આવે છે. આ દિશમાં ગંદકી અને કચરો ક્યારેય પણ જમા ના કરવો જોઈએ. આ દિશા તરફની જમીન સપાટ હોવી જોઈએ અને ઈશાન ખૂણામાં જ મંદિરની સ્થાપના કરવી જોઈએ. 

આ દિશા તરફ પાણીનો ઢાળ રાખો

વાસ્તુશાસ્ત્ર અનુસાર ઘરમાં ક્યારેય પણ ઉત્તરથી દક્ષિણ દિશા તરફ ઢાળ ના હોવો જોઈએ. વાસ્તુશાસ્ત્ર અનુસાર પાણી હંમેશા ઉત્તર અથવા પૂર્વ દિશા તરફ જવું જોઈએ. 

દક્ષિણ દિશાનો વાસ્તુ નિયમ

વાસ્તુશાસ્ત્ર અનુસાર ઉત્તર પૂર્વનો ભાગ ખુલ્લો હોવો જોઈએ. દક્ષિણ દિશા તરફ મકાનનો ભાગ ઉંચો હોવો જોઈએ, આ દિશા પિતૃઓની દિશા માનવામાં આવે છે. મૃત્યુ પામેલ વ્યક્તિઓના ફોટો આ દિશા તરફ લગાવવા જોઈએ. 

જળ સાથે જોડાયેલ વાસ્તુદોષ

વાસ્તુશાસ્ત્ર અનુસાર ઘરમાં પાણી સાથે જોડાયેલ સ્થળમાં કોઈપણ પ્રકારનો દોષ ના હોવો જોઈએ. જો તમારા ઘરમાં નળમાંથી પાણી ટપકી રહ્યું છે અથવા પાણી પડી રહ્યું છે, તો તે દોષના કારણે તમને આર્થિક નુકસાન થઈ શકે છે. 

મુખ્ય દરવાજો કેવો હોવો જોઈએ

વાસ્તુશાસ્ત્ર અનુસાર ઘરના પ્રવેશદ્વારમાંથી તમારી ખુશીઓ અને ધનનું આગમન થાય છે. આ સ્થળ સાફ હોવું જોઈએ. જે લોકો સુખ અને સંપત્તિ મેળવવા માંગે છે તેમણે મુખ્ય દરવાજા સાથે જોડાયેલ દોષને તાત્કાલિક દૂર કરવો જોઈએ. 

ઘરની છતનો વાસ્તુ નિયમ

વાસ્તુશાસ્ત્ર અનુસાર ઘરની છત પર ભંગાર ભેગો ના કરવો જોઈએ અને ઘરની છત પર કાંટાળા છોડ ના ઉગાડવા જોઈએ. માનવામાં આવે છે કે, આ પ્રકારે કરવાથી ઘરમાં નકારાત્મક ઊર્જા આવે છે. ઘરની છતની પૂર્વ દિશા તરફનું સ્થળ ખુલ્લુ અને ખાલી હોવું જોઈએ. છત હંમેશા સાફ હોવી જોઈએ. 

રસોડું ક્યાં અને કેવું હોવું જોઈએ

વાસ્તુશાસ્ત્ર અનુસાર રસોડું બનાવતા સમયે વાસ્તુ નિયમનું ધ્યાન રાખવું જોઈએ. રસોડુ દક્ષિણ અને પૂર્વ દિશામાં હોવું જોઈએ. સારું આરોગ્ય અને સૌભાગ્ય મેળવવા માટે રસોડામાં સગડી દક્ષિણ-પૂર્વમાં રાખવી જોઈએ. રસોડામાં વોશ બેસીન પાસે સગડી અને મિક્ષર ના હોવું જોઈએ. 

Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે, VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી.