રાજ્યમાં વધી રહેલા કોરોનાના કેસને ધ્યાનમાં રાખીને હેમંત સોરેન સરકારે મિની લોકડાઉનની જાહેરાત કરી દીધી છે.
ઝારખંડમાં મિની લોકડાઉનની જાહેરાત
8 વાગ્યા સુધી ખુલ્લી રાખી શકાશે બજાર
સ્કુલ કોલેજ અને પાર્ક બંધ
15 જાન્યુઆરી સુધી પ્રતિબંધો લાગુ
રાજ્યમાં કોરોનાના કેસ વધતા ઝારખંડ સરકાર એક્શનમાં આવી છે. મુખ્યમંત્રી હેમંત સોરેનની આગેવાનીમાં કેબિનેટની બેઠક મળી હતી જેમાં કેટલાક નવા પ્રતિબંધો જાહેર કરવામાં આવ્યાં છે.
8 વાગ્યા સુધી દુકાનો ખુલ્લી રાખી શકાશે
રાજ્ય સરકારના પ્રતિબંધ અનુસાર હવેથી 15 જાન્યુઆરી સુધી રાતના 8 વાગ્યા સુધી દુકાનો ખુલ્લી રાખી શકાશે. રેસ્ટોરન્ટ, બાર સહિતની બીજી દુકાનો હવે 8 વાગ્યા સુધી ખુલ્લી રાખી શકાશે. બીજી તરફ 15 જાન્યુઆરી સુધી સ્ટેડિયમ, પાર્ક, જીમ, ઝૂ, પ્રવાસન સ્થળ અને શૈક્ષણિક સંસ્થાન પણ બંધ રાખવાની જાહેરાત કરવામાં આવી છે.