રશિયા: સાઈબેરિયાઈ શહેરના કેમેરોફોમાં એક શોપિંગ મોલમાં ભીષણ આગ લાગતાં 37 લોકોના મોત નિપજ્યા છે. મળતી માહિતી મુજબ આગ વિંટર ચેરી મોલના ચોથા માળમાં આગ લાગી હતી. જ્યાં એન્ટરટેઈનમેન્ટ કોમ્પલેક્ષ અને થિયેટર પણ આવેલું છે. મૃતકોમાંથી મોટા ભાગના લોકો તે સમયે થિયેટરમાં હતા.
હજુ પણ અનેક લોકો ઘાયલ છે. એવા પણ અહેવાલ મળી રહ્યા છે કે સિનેમાઘરના બે હોલની છત પણ ધરાશાયી થઈ ગઈ છે. તો કેટલાક લોકોએ જીવ બચાવવા માટે બારીમાંથી નીચે છલાંગ મારી હતી.
બનાવની જાણ થતાં જ ફાયર બ્રિગેડની ટીમ ઘટનાસ્થળે પહોંચી ગઈ હતી. આગ પર કાબૂ મેળવી લીધો છે. હાલ મૃતદેહોને બહાર કાઢવાના પ્રયાસો હાથ ધરવામાં આવ્યા છે. જોકે આગ કયા કારણોસર લાગી હતી. તે અંગે કોઈ જ વિગતો મળી નથી.