અમેરિકાના ટેક્સાસમાં બે બંદૂકધારીઓએ અંધાધૂંધ ફાયરિંગ કર્યું હતું. આ ફાયરિંગની ઘટનામાં 5 લોકોના મૃત્યુ થયા છે અને સાથે જ 21 લોકો ઘાયલ થયા છે. સ્થાનીય પોલીસના આધારે ફાયરિંગની આ ઘટના મિડલેંડની પાસે ઓડેસા વિસ્તારમાં બની છે.
અમેરિકાના ટેક્સાસમાં બે બંદૂકધારીઓએ અંધાધૂંધ ફાયરિંગ કર્યું હતું. આ ફાયરિંગની ઘટનામાં 5 લોકોના મૃત્યુ થયા છે અને સાથે જ 21 લોકો ઘાયલ થયા છે. સ્થાનીય પોલીસના આધારે શનિવારે બે બંદૂકધારીઓએ પહેલાં એક ટ્રકને હાઈજેક કરી અને પછી ફાયરિંગ કરવાનું શરૂ કર્યું.
પોલીસના જણાવ્યા અનુસાર આ ઘટના મિડલેંડના ઓડેસા વિસ્તારની છે. ઘટનાને અંજામ આપનારા બે બંદૂકધારીમાંથી એક બંદૂકધારી સિનર્જી મૂવી થિએટર પાસે મૃત્યુ પામ્યો હતો. તેની ઉંમર 30 વર્ષની માનવામાં આવી રહી છે.
ઉલ્લેખનીય છે કે ઓગસ્ટ મહિનામાં પણ અમેરિકાના ટેક્સાસ અને ઓહિયોમાં ફાયરિંગની બે અલગ અલગ ઘટનાઓ બની હતી. જેમાં કુલ 29 લોકોના મૃત્યુ થયા હતા. બંને ઘટનાઓ 24 કલાકથી પણ ઓછા સમયમાં બની હતી. અમેરિકાના રાષ્ટ્રપતિ ડોનાલ્ડ ટ્રંપે ટેક્સાસ અને ઓહિયોમાં થયેલા ફાયરિંગને લઈને તપાસના આદેશ આપ્યા હતા.