જોયું છે કદી આવું / VIDEO : અચાનક સ્વિમિંગ પૂલના ભુવામાં સમાઈ ગયો શખ્સ, 40 ફૂટ નીચેથી મળી લાશ

• લોકો કરી રહ્યાં હતા સ્વિમિંગ પૂલમાં પાર્ટી
• સ્વિમિંગ પૂલમાં અચાનક પડ્યો મસમોટો ભૂવો
• નહાઈ રહેલો એક શખ્સ 43 ફૂટ નીચે જતો રહ્યો 
• એક શખ્સની લાશ મળી 

 રસ્તા પર ભૂવા પડવા સામાન્ય ઘટના છે પરંતુ સ્વિમિંગ પૂલમાં ભૂવો પડે અને પછી મજાક મસ્તી કરી રહેલા લોકોની શું હાલત થાય તેની જરા કલ્પના કરો. ઈઝરાઈલના તેલ અવીવના એક સ્વિમિંગ પૂલમાં આવી જ એક ઘટના બની છે. સ્વિમિંગ પૂલમાં છ લોકો મોજ મસ્તી કરી રહ્યાં હતા તેમને કલ્પના પણ નહોતી કે હવે શું બનવાનું છે. સ્વિમિંગ પૂલમાં અચાનક એક મોટો ભૂવો પડ્યો હતો અને પૂલનું પાણી તેમાં વહેવા લાગ્યું હતું. ધસમમસતા પાણીમાં એક શખ્સ પણ તેમાં વહી ગયો હતો અને છેક 43 ફૂટ ઊંડે સુધી જતો રહ્યો હતો. આ ઘટનાને કારણે મજાક મસ્તી કરી રહેલા લોકો ડરના માર્યા પાણીમાંથી બહાર આવવા લાગ્યા હતા. 

“One man has been injured and another is missing after a sinkhole opened up in a inground pool at a home in central Israel.

The incident occurred during a pool party." pic.twitter.com/S9cByAFebx

— natureismetal (@NIMactual) July 21, 2022

વીડિયો થયો વાયરલ 
આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. આ વીડિયો શેર કરનાર એક ટ્વિટર યુઝરે ઇન-ગ્રાઉન્ડ સ્વિમિંગ પૂલમાં સિંકહોલ બાદ થયેલી તબાહીને બતાવી છે. સ્થાનિક મીડિયા આઉટલેટ્સે જણાવ્યું હતું કે આ ઘટના બાદ એક વ્યક્તિ ઘાયલ થયો હતો અને બીજો ગુમ થયો હતો.

સ્વીમિંગ પૂલના ભૂવામાં ફસાઈ ગયો એક શખ્સ, બીજો શખ્સ મૃત મળ્યો 
વીડિયોની શરૂઆત પૂલ ફ્લોર તૂટવાથી થાય છે અને અંદરની તરફ ડૂબી જાય છે, સેકન્ડોમાં પૂલનું મોટાભાગનું પાણી ચૂસી લે છે. એક માણસને સિંકહોલ તરફ સરકતો જોઇ શકાય છે, પરંતુ અન્ય વ્યક્તિઓ દ્વારા તેને ઝડપથી પાછળ ખેંચી લેવામાં આવે છે. એક શખ્સ 34 વર્ષીય પુરુષ નાસી છૂટવામાં સફળ રહ્યો હતો, પરંતુ પાછળથી કિમી નામનો અન્ય એક શખ્સ મૃત હાલતમાં મળી આવ્યો હતો. તે સમયે પૂલમાં છ વ્યક્તિઓ હતી, અને અન્યને નુકસાન પહોંચ્યું ન હતું.