મહિસાગરમાં ગર્ભપાતનો વીડિયો વાયરલ થયા બાદ હવે આ કેસમાં મોટો વળાંક આવ્યો છે. પોલીસને શંકા છે કે વીડિયો 2 વર્ષ જુનો છે. જેથી આ મામલે હવે વીડિયોની FSLમાં તપાસ થશે.
ગર્ભપાત રેકેટમાં ચોંકવનારા ખુલાસા
વાયરલ વીડિયો 2 વર્જુનો હોવાની આશંકા
વીડિયોની FSLમાં તપાસ કરવામાં આવશે
મહિસાગરમાં ગર્ભપાતનો વીડિયો વાયરલ થયા બાદ સમગ્ર મામલે ગર્ભપાતનું રેકેટ આખું સામે આવ્યું હતું. આ મામલે પોલીસ દ્વારા ગર્ભપાત કરનારી 2 મહિલાઓની ધરપકડ કરવામાં આવી હતી. જોકે આ કેસમાં હવે નવા વળાંક સામે આવ્યા છે. જે વીડિયો વાયરલ થયો હતો, તે વીડિયો 2 વર્ષ જુનો છે તેવી માહિતી સામે આવી છે.
વીડિયો 2 વર્ષ જુનો હોવાની આશંકા
સમગ્ર મામલે પોલીસનેજ એવી શંકા છે કે આ વીડિયો 2 વર્ષ જુનો છે. જેથી આ સમગ્ર મામલે વાયરલ વીડિયોની FSLમાં તપાસ કરાવામાં આવશે. જોકે આ વીડિયો જુનો છે તો પછી તે પહેલા કેમ સામે ન આવ્યો તે સવાલનો પોલીસ પણ જવાબ શોધી રહી છે. સાથેજ આ માહિતી સામે આવ્યા બાદ સૌ કૌઈ આશ્ચર્યમાં મુકાઈ ગયા છે.
2 મહિલાઓ પોલીસના સકંજામાં
સમગ્ર મામલે હવે પોલીસ દ્વારા તપાસ કરવામાં આવશે કે 2 વર્ષ સુધી વીડિયો જાહેર કરવામાં કેમ ન આવ્યો. વીડિયોમાં કુલ ચાર મહિલાઓ દેકાઈ રહી છે. જે પૈકી બે મહિલાઓની પોલીસે ધરપકડ કરી લીધી છે. જ્યારે અન્ય બે મહિલાઓ વીશે કોઈ માહિતી સામે નથી આવી. જેથી તે મામલે પણ પોલીસ તપાસ કરી રહી છે.
મહિલાઓ તપાસમાં નથી આપતી સહકાર
જે બે મહિલાઓની ધરપકડ કરવામાં આવી છે. તે બે મહિલાઓ પોલીસ તપાસમાં સહકાર નથી આપી રહી તેવી માહિતી સામે આવી છે. જોકે અન્ય બે મહિલાઓની ઓળખ માટે વીડિયોની FSl કરવામાં આવશે. જોકે આ સમગ્ર ઘટનામાં એક પછી એક નવા ખુલાસાઓ સામે આવી રહ્યા છે. જેના કારણે સમગ્ર પંથકમાં ચકચાર મચી જવા પામી છે.
દિવસેને દિવસે નવા ખુલાસા
ઉલ્લેખનીય છે કે મહિસાગરમાં મોટા પાયે ગર્ભપાતનું રેકેટ ચાલી રહ્યું હતું. જેનો વીડિયો વાયરલ થયા બાદ સામે આવ્યું હતુ. સમગ્ર મામલે મહિલાઓને હોસ્પિટલમાંથી ઈન્જેકશન આપીને અવાવરુ જગ્યાએ કે પછી કોઈ ભાડેથી લીધેલ મકાનમાં લઈ જવામાં આવતી હતી. જ્યા ગર્ભપાત કરવામાં આવતા હતા. જોકે આ મામલે હવે દિવસેને દિવસે નવા ખુલાસાઓ સામે આવી રહ્યા છે.