ગજબ / VIDEO: ચાર મિનિટમાં જ બુલ્ડોઝરથી ચોર ઉઠાવી ગયો આખેઆખું ATM

તમને જણાવી દઇએ કે ઉત્તરી આયર્લેન્ડમાં ચોરોનાં એક સરદારે એટીએમને ચોરવા માટે ક્રેનનો સહારો લીધો છે. આ વીડિયોમાં મોં ઢાંકીને ચોરોએ ક્રેનની મદદથી એટીએમ ઉખાડતા જોઇ શકાય છે. જેઓએ એટીએમ નિકાળવા માટે સૌ પહેલાં બિલ્ડીંગની છત અને દીવાલોને ક્રેનથી તોડી દીધી છે.

 

ખબરોનું માનીએ તો કાઉન્ટી લંડનડેરી સ્થિત એક દુકાન બહાર ચોર પહોંચ્યાં હતાં અને તેઓએ કપડાં વડે પોતાનું મોં ઢાંકી દીધું હતું. એટીએમ ચોરવા માટે તેઓ પોતાની સાથે એક ક્રેન મશીન લઇને આવ્યાં હતાં. તેઓએ મશીનને ઉખાડી ફેંક્યું અને પોતાની સાથે લઇને ભાગી ગયાં. પોલીસે આ ઘટના સાથે જોડાયેલ એક વીડિયો પણ શેર કર્યો છે કે જે હાલમાં સોશિયલ મીડિયામાં ખૂબ વાઇરલ થઇ રહ્યો છે. આ પૂરી ચોરી લગભગ ચાર જ મિનીટની છે.
 

ચોરોએ એટીએમ મશીનને ક્રેનની મદદથી ઉખાડી ફેંક્યુ અને પછી તેને એક કારની અંદર લઇને તેઓ ભાગી ગયાં. તપાસમાં માલુમ થયું કે ચોરોએ ક્રેન પણ બાજુમાં ચાલી રહેલ બિલ્ડિંગનાં કામવાળી જગ્યાએથી ચોર્યુ હતું અને તેને લઇ આવ્યાં હતાં. આ હેરાન કરી દેનારી ઘટનાએ સૌને ચોંકાવી દીધાં છે. હાલમાં પોલીસ આરોપીઓ વિરૂદ્ધ આ મામલો દાખલ કરીને તેની તપાસ શરૂ કરી દીધી છે.