દારૂની પરમિટ માટે જે આંકડાઓ સામે આવ્યા છે. તે ચોંકાવનારા છે. રાજ્યમાં દારૂ પીવા માટે પરમિટની અરજીમાં વધારો થઈ રહ્યો છે.
રાજ્યમાં દારૂની મંજૂરીની અરજીઓમાં વધારો
દારૂની મંજૂરી માંગતી અરજીઓ 3 વર્ષમાં બમણી થઇ
વર્ષ 2019-20માં 3587 અરજીઓને મંજૂરી અપાઇ
ગુજરાતમાં દારૂ પીવા માટેની પરમિટના આંકડાઓ સામે આવ્યા છે. ગુજરાતમાં દારૂબંધી હોવા છતાં અવારનવાર ગેરકાયદે દારૂનો જથ્થો ઝડપાય છે. મહિલા દિવસ નિમિત્તે દારૂબંધી મુદ્દે વિધાનસભા ગૃહમાં CM રૂપાણીએ નિવેદન આપ્યું હતું કે, દારૂના વેચાણને ગુજરાતમાં કોઈપણ કાળે છૂટ આપી શકાય નહીં. દારૂની છૂટને કારણે મહિલાઓની સુરક્ષા ખતરામાં આવશે. CM રૂપાણીએ પોતાના નિવેદનમાં કહ્યું હતું કે, આજે મહિલાઓ ગુજરાતમાં રાત્રે સ્કૂટર લઈને નીકળી શકે છે. તે ગુજરાતમાં દારૂબંધીને કારણે છે. જો દારૂની છૂટ્ટી અપાશે તો રાજ્યમાં મહિલા સુરક્ષિત નહીં રહે.
દારૂની પરમિટના ચોંકાવનારા આંકાડ
તો બીજી તરફ દારૂની પરમિટ માટે જે આંકડાઓ સામે આવ્યા છે. તે ચોંકાવનારા છે. રાજ્યમાં દારૂ પીવા માટે પરમિટની અરજીમાં વધારો થઈ રહ્યો છે. દારૂની મંજૂરી માંગતી અરજીઓ 3 વર્ષમાં બમણી થઇ ગઈ છે. વર્ષ 2019-20માં 3,587 અરજીઓને મંજૂરી અપાઈ હતી. વર્ષ 2017-18માં 1717 અરજીઓને મંજૂરી અપાઈ હતી. સ્વાસ્થ્યના કારણોસર સૌથી વધુ અરજીઓ કરવામાં આવે છે. વર્ષ 2019-20માં 10,189 જૂની મંજૂરીઓ રિન્યુ પણ કરવામાં આવી છે.
દારૂમાંથી મળતી આવકનો આંકડો
જોવામાં આવે તો, દારૂના કારણે દિલ્હી જેવા રાજ્યના રેવન્યુમાં મોટી આવક થાય છે. પરંતુ ગાંધીજીના ગુજરાતમાં દારૂની પીવા માટે મંજૂરી નથી. અને સાથે દારૂમાંથી થતી આવકને પણ જતી કરવામાં આવે છે. જે સમાજ માટે પણ એક સારી બાબત છે. પરંતુ સરકાર દ્વારા કાયદાકીય રીતે જે મંજૂરી આપવામાં આવે છે. તેમાંથી તો સરકારને આવક થાય જ છે. દારૂની મંજૂરીથી રાજ્ય સરકારને રૂ.19.07 કરોડની આવક થઇ છે. છેલ્લા દોઢ વર્ષમાં રૂ.215 કરોડનો દારૂ ઝડપાયો છે.