થાઈલેન્ડ અને ફિલિપાઇન્સ વચ્ચે રમાયેલી મેચમાં અલગ જ સ્કોર થયો હતો. જેમાં ટીમ માત્ર નવ રન જ બનાવી શકી હતી.તો બીજી ટીમેં માત્ર ચાર બોલમાં જીત મેળવી હતી.
થાઈલેન્ડ અને ફિલિપાઇન્સ વચ્ચે રમાયેલી મેચમાં ચોંકાવનારો સ્કોર
ક્રિકેટનો એવો સ્કોર જે ભાગ્યે જ જોયો હોય
4 બોલમાં વિરોધી ટીમે જીત મેળવી
ક્રિકેટ એક એવી રમત છે જેમાં ગમે ત્યારે ગમે તે થઈ શકે છે. જીતની હાથમાં રહેલી બાજી પણ હારમાં પલટાઈ શકે છે. તો હારવુ નિશ્ચિત હોવા છતાં પણ જીત મળી શકે છે. અમુક વખતે મોટી મોટી ટીમો સસ્તામાં આઉટ થઈ જાય છે. તો અમુક વખતે નવા ખેલાડીઓ તબાહી મચાવી દે છે. ક્યારેક જૂના ખેલાડીઓ જેમની પાસેથી વધુ આશા હોય છે તે ફ્લોપ જાય છે. પરંતુ થાઈલેન્ડ અને ફિલિપાઇન્સ વચ્ચે રમાયેલી મેચમાં એવા સ્કોર થયા જે ભાગ્યે જ જોવા મળે! આ મેચમાં ટીમ માત્ર નવ રન જ બનાવી શકી હતી.તો બીજી ટીમેં માત્ર ચાર બોલમાં જ રમત પૂરી કરી દીધી હતી.
RESULTS | MATCH 6 | l 🇹🇭 v 🇵🇭 l T20i | | SEAGAMES 2023| | CAMBODIA |
જો આ મેચ લાઇવ મેચ હોત તો ક્રિકેટ જગતમાં હાહાકાર મચી ગયો હોત! પરંતુ આ ક્રિકેટ શીખતા નાના અને નવા દેશ વચ્ચે રમાયેલી મેચ હતી કંબોડિયાના પીનોમ પેહન શહેરમાં આ ગેમ રમાઈ હતી. જેમાં t20 ક્રિકેટ સ્પર્ધામાં ફિલિપાઇન્સ અને થાઈલેન્ડની ટીમો વચ્ચે મુકાબલો થયો હતો. આ મેચમાં ફિલિપાઇન્સની મહિલા ટીમએ પ્રથમ બેટિંગ કરી અને 11.1 ઓવર એટલે કે 67 બોલમાં ફિલિપાઇન્સની આખી ટીમ માત્ર નવ રન જ બનાવી શકી હતી. તેમાં પણ એક રન વાઈડનો હતો. ખાસ વાત એ છે કે આ ટીમમાં ચાર ખેલાડીઓએ બે બે રન કર્યા હતા. જ્યારે 7 ખેલાડીઓ ખાતું ખોલ્યા વગર જ આઉટ થઈ ગયા હતા તો છેલ્લો એક બેસ્ટમેન અણનમ રહ્યો હતો.
4 બોલમાં મેચ પુરી
આ મેચમાં થાઈલેન્ડ તરફથી થીપાચા પૂઠાવોન્ગે 4 ઓવરમાં માત્ર 3 રન આપીને 4 વિકેટ ખેડવી હતી. બાદમાં 10 રંગના ટાર્ગેટને પૂરો કરવા ઉતરેલી થાઈલેન્ડની ટીમના ઓપનરે માત્ર ચાર જ બોલમાં જીત મેળવી રમત પૂરી કરી દીધી હતી. મહત્વનું છે કે ટુર્નામેન્ટના ગ્રુપ સ્ટેજમાં આ બંને ટીમોની પ્રથમ મેચ હતી.